Raai

Oet Wikipedie, de vraaie enzyklopedie
Gao naor: navigasie, zeuk
Raaikoren
Door korenmolen gemalen rogge

Raai, rogge of rôg (Latain: Secale cereale; OostfraisRog (roag), Rei (raai)) is kruusbevruchtende koren. t Heurt, liek as de andere groansoorten bie de grasfemilie.

Raai wordt veural verbaauwd om der brood van te môken. Ien Aairlaand en de Verainde Stoaten wordt raai ook broekt veur de produksie van whiskey. Raai wordt veurnoamelk op de zaand- en daalgronden verbaauwd. Veur de verbaauwen van winterraai worden vraai bestoven razzen en hybrides broekt. Zummerraai wordt binoa nait meer verbaauwd veur de graain. Wel wordt zummerrogge sumtieds verbaauwd as stoppelgewas veur gruinbemesten.

Raaibloum is griezeg van kleur en wordt onder meer broekt veur t bakken van brood, knäckebröd, peperneuten, voor de beraaiden van ontbijtkouk, oalwief en veur bloudwôrst. Raaibloum bevat minder gluten as waaitebloum, woardeur t minder goud ris. Deur de aanwezeghaid van pentosoanen is der anders wel goud stoet van te bakken.

t Ien Nedderlaand verbaauwde arioal mit winterraai was tuzzen 1998 en 2007:

joar arioal (bunder)
1998: 6300
1999: 2600
2000: 5800
2001: 3500
2002: 3500
2003: 3500
2004: 3400
2005: 2500
2006: 2400
2007: 2400

Leegsaksisch[bewark | bronkode bewarken]

  • Grönnegs:
    • raai
    • rogge
    • rôg (mit dudelke twijklaank: /rɔːəɣ/ of /rɒːəɣ/)
  • Tweants:
    • rouw
    • rog(ge)
    • ragge (oold-vjens)