Knippe

Oet Wikipedie, de vraaie enzyklopedie

Ne Knippe is n buulken of tesken woerin at geeld bewoard wörd. Aandere wöarde hievuur beent portemonnee wat van t Fraanse: porte (dreagn) + monnaie(meuntgeeld) ofkeump, en portefeuille, woerin at feuille breefgeeld beteeknt. In t Tweants wordt disse wöare as grepken nog wal es bie mekoar edoan: portemoknippe. Aandere wöarde beent geeldbuul of beurze.

n Naamn knippe keump woarskienlik van de oolderwetse sloeting op wat oolde knipn zat. Det warn twee iezerne pennkes dee at laanks mekoar hen eskeuwn mosn wordn.

Rechtevoort wordt knipn zo in-edeeld det dr beaide meunt- en breefgeeld in kan. Ook wordt dr spesjale väks emaakt woerin a'j betaalkaarn in köant skoewn mangs hebt ze zelfs spesjale väks vuur t riebewies en de OV-joarkaarte vuur studeantn.

Knipn bestoat in verskeaidene vörme, mear de meest gebroekelike beent de wat kleaindere modeln dee at in n boksntuk estökn köant wordn. Knipn vuur vrouwleu verskilt mear in grötte, umdet dee t deenk nog was es in n haandtäske doot.

[bewark] Neersassies

t Neersassies keant n antal oetdrukkings dee at met de knippe van doon hebt. As ene bv. völle mut betaaln, kan'e zegn: Det dut mie zear in de knippe. Kleaingeeld bie mekoar zeukn wörd ook wal in de knippe krabn eneumd.

• Grunnegs:
  • puut of pong(e)(l) (letterlieks vertoald noar t Nederlaands: zakje/buideltje)
    • "Penningmeester": puutholder
  • knip of klip (noam komt van t ding mit de Nederlaandse noam "klapportemonnee")
  • buutse (figuurlieks: sìnten ien buutse = geld op zak)
• Tweants:
  • knippe
  • portemonnee
  • beurze
• Veluws: knip(pe)