Jan Germs
Jan Germs (Oring, 1954) is een anfieteraor van de Drèentse streektaal. Töt 2019 was hij directeur van 't Huus van de Taol; zien opvolgster is Renate Snoeijing.[1]
Germs, mit een va uut de Veenkeloniën en een Oringer moeder, gruuiden op mit 't Drèents. Hi'j gunk op de ULO in Börger en later naor de HBS in Emmen.
Germs leerden veur skoelmeister en hef 27 jaor laank onderwiezer ewest in Gasselt. In 2002 weur hi'j streektaalfunctionaoris bi'j de Stichting Drentse Taol. Dizze orgenisaosie is in 2007 mit Oeze Volk en Stichting Het Drentse Boek op-egaone in 't Huus van de Taol.
Veur RTV Drenthe prissenteert Germs mit zien collega Abel Darwinkel Jasbuus vol Drèents, een dagelijks pregramma van een minuut daorin ze andacht skenkt an 't Drèents.
Germs hef de Drèentstalige verhalenbundel De Sigaar eskreven.
In december 2009 wördden Germs deur RTV Drenthe verkeuzen töt de eerste 'Drent van 't jaor' veur 't haalfstaon van de Drèentse taal.[2]
Publicaoties
[bewark | bronkode bewarken]- De sigaar (körte Drentse verhalen, Zuudwolde 2004)
- Moi, taalgids Drenthe (In Boekvorm, Assen 2005)
- De mooiste woorden van Drenthe (Noordboek, Grunning 2005)
- Daphne, Het verhaal van het loze wichie (Zuudwolde 2006)
- Iemen met edik vangen (Beilen 2008)[3]
Bronnen
[bewark | bronkode bewarken]- Abel Darwinkel, Jan Germs en H. Slot (2005), Moi! Taalgids Drenthe, Assen: In Boekvorm Uitgevers bv
- RTV Drenthe
Uutgaonde verwiezings
[bewark | bronkode bewarken]- Huus van de Taol
- Jan Germs,Schriever van de maond juni 2006
- Jan Germs: ‘Dan blijf ik maar liever in Drenthe’ Woest en ledig, (27-11-08)
- Vueltaol - Op fietse deur Drenthe
- Jan Germs perplex door verkiezing Drent van het Jaar
Rifferenties
[bewark | bronkode bewarken]- ↑ Asser Courant: 'Renate Snoeijing: ‘Drentse taal geeft een gevoel van verbinding’' (16 jannewaori 2020)
- ↑ Dagblad van het Noorden: Jan Germs Drent van het Jaar (27 december 2009)
- ↑ Het Drentse Boek, Germs, Jan
|
Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek. |