Huus van de Taol

Oet Wikipedie, de vraaie enzyklopedie
Gao naor: navigasie, zeuk

't Huus van de Taol is een op 1 meert 2007 op-erichte organisaosie veur 't anfietern van de Drèentse taal. In 't Huus van de Taol bint 't centrum veur taol en letterkunde Stichting Drentse Taol, 't maondblad in de Drentse taol Oeze Volk en Stichting Het Drentse Boek bi'jien egaon. 't Huus van de Taol hef op 28 meert 2008 in Beilen de deuren lös edaone. Ze hebt een strategisch beleidsplan veur 2008-2012 eskreben, Hiel wat in Huus.

Gangs in 2008[bewark | bronkode bewarken]

In heur Activiteitenplan 2008 (kiekt bi'j de uutgaonde verwiezings) gef 't Huus van de Taol an op wekke gebieden ze an 't wark gaot:

  • Warken veur erkenning van 't Nedersaksisch onder diel III van 't Europees Haandvest veur regionale talen of talen van minderheden
  • Meer Drèents in de openbare ruumte kriegen; een veurbeeld daorvan bint meertalige plaatsnaambörden
  • Wetenskoppelijke bestudering van 't Drèents
  • Infermaosie en advies geben middels radio, tillevisie, internet (zoas de webstee Taolpad Drenthe en 't beantwoorden van lienpost), drokwark (zoas de Taolkrant), lezings, dvd's (zoas skrieverspetretten) en zo wieder
  • Organiseren van en mitdoen an activiteiten rond de streektaal (zoas 'Meertmaond-Streektaolmaond', 't festival veur meziek, teniel en skrieveri'je 'Deuren lös', 'Oktobermaond-Kindermaond' en de 'Zeuvendaagse', een literaire kuier deur Drenthe)
  • Gerak maken veur 't gebruuk van 't Drèents, zoas een spellingbekieker veur de computer
  • Dinggies en kedogies maken veur 't anfietern van 't Drèents, zoas een streektaalkalender, een Drèents puzzelboekien, T-shirts mit opdrok en zo wieder)
  • Instandholding van de spellingkemissie veur de deur Pervinciaole Staoten erkende Drèentse spelling
  • Instandholding van warkgroepen zoas 'Drenten in de Vrömde' en 'Kerkdiensten in het Drèents'
  • Samenwarking mit wiedere streektaalorganisaosies in 't Nedersaksisch taalgebied en mekaar half staon
  • Instandholding van 't Drents Letterkundig Documentatiecentrum
  • In de maande warken mit overheden (beveurbield 't anpitjen van gemientes umme 't Drèents meer in 't gemientebeleid te doen)
  • Organiseren van onderwies op streektaalgebied (zoas een onderwiesspecialist, cursussen, infermaosie veur peuterspeulzalen, spullegies en streektaallessies op de basisskoele, streektaallessen in 't veurtgezet onderwies, warken an een lectoraat streektaal bi'j Hogeschool Drenthe op de pabo in Em)
  • Uutgeben van alderhaand boeken en tiedskriften in 't Drèents/oaver Drèentse onderwarpen (daoronder de bladen Oeze Volk en Roet)

Uutgaonde verwiezings[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.