Iersn doedelzak
n Iersn doedelzak of uilleann pipes (sprek oet: 'illen paips'), is ne Ierse versie van n bekeandn Schotsen doedelzak. t Grötste verskil met n Schotsn is dat n spöller der neet in hoof te poesn. n Zak wödt op-ebloazn met n bloasbalg oonder n elleboagn. Dit hef as vuurdeel dat n spöller oonder t spöln gewoon kan köjern, rookn of zingn. n Aander vuurdeel is dat der gin spieje in t instremeant keump, woerduur t instremeant lenger met geet, meender gaauw vaals wördt en dus meender vaak estemd mut wordn.
n Aander groot verskil is dat de uilleann pipes n grötter toonbereik hebt en n zacht geluud. n Chanter, n zanger, hef n bereik van twee volle oktaawn, mollen en kruzen inbegrepn. Nöast n chanter en de drone (bastoon) hef n Iersn doedelzak ook regulators. Det zeent extra piepkes met of eslötn geatjes dee at n spöller met n pools lös en dichte kan drukn. Hiermet kan-e seempele akkoordn spöln wonnear um det oetkeump. n Spöller kan ook stakkato (hele korte toonn) spöln duur t gat van n chanter op n knee te zetn. Hierduur kan de loch dus allene vort as n spöller de vingers van de geatjes neamp.
Bekeande spöllers [bewark]
- Mickey Dunne
- Seamus Ennis
- Liam O'Flynn
- Brian McNamara
- Carlos Nuñaz
Neersassies [bewark]
- Grunnegs: Ierse/Aairse piepenpuut
Oetgoande verbeendinge [bewark]
- Mickey Dunne spölt The Bucks (Youtube)
- Alle soortn doedelzakn op de riege (Engels)
- Na Píobairí Uillean (Iersn doedelzakboond) (Engels)
 |
Disse bladziede is eskreewn in t Riesns |
