Halle (Bronckhorst)
Halle is een darp in de gemeente Bronckhorst in de previnsie Gelderland in Nederland en besteet uut dri-j kernen: Halle, Halle-Heide en Halle-Ni-jman. De heufdkern is Halle.
Scholen en karken
[bewark | bronkode bewarken]Halle hef een eigen basisschole, de "Dorpsschole" en een Hervormde karke. Tussen de Darpstraote en de Roggestraote steet de "Koninkrijkszaal" van de Jehova's getugen. In de Heide (Halle-Heide) steet een laegere schole en ok in de Ni'jman vin i'j ne schole: de "Ni'jmanse schole". Beide scholen valt onder 't biezunder onderwies: 't bunt christeleke scholen.
Winkelbestaand
[bewark | bronkode bewarken]Net as in völle andere kleine kernen bunt ok in Halle in de loop der jaoren völle winkels vedwenen, maor i'j könt ow d'r nog steeds redden: d'r is nog een supermarkt; en a'j de wasmaschine of de televisie kapot hebt köj d'r ok nog terechte, net as met een kapotte fietse, kachel of waterleiding.
Zwarte Cross
[bewark | bronkode bewarken]Halle is landelek bekend vanwaege de "Zwarte Cross", dèn tot 2006 in Halle op het terrein van de motorcrossvereniging "HALMAC" organiseerd wodden. Vanaf 2006 is de Zwarte Cross vanwaege plaatsgebrek noar Lechtenvoorde verhuusd. Op ut zelfde crossterrein wodden in de joaren '70 van de 20e eeuw de opnames emaakt van de Nederlandse spölfilm "Spetters".
| Plaatsen in de gemaente Bronckhorst | .svg) | ||||||||
|---|---|---|---|---|---|---|---|---|---|
|