Cuíca

Oet Wikipedie, de vraaie enzyklopedie
Gao naor: navigasie, zeuk
Cuíca van de binnenkaante

Ne Cuíca (oetsproake: kwieka) is ne Brazieljaanse wrievingstromme, den't t beste met nen Neerlaandsen foekepot is te vergelieken. Hee wörd völle in sambamuziek gebroekt en gef nen hogen, krassenden pieptoon. t Geluud lik mangs nog wal op geluud wat apen maakt as ze op eweunden zeent.

n Kettel van de cuíca is meesttieds emaakt van metaal. t Hef één vel, gewoonlik met nen duursnee van 15 - 25 cm) van de hoed van deers. In t middeln van det vel is an de binnenkaante n bamboestökken hoaks der op vaste maakt. t Instrumeant wörd vaste hoolden op börstheugte, en edreagen duur nen skoolderbaand. Um de cuíca te bespöllen wrif de spöller met n nat stukken stof langs t bamboestökken op en dale. Doarvan keump t krakerige hoe-hoe-geluud. Met n doem van n aanderen oarm wörd an de boetenkaante op t vel edrokt um zo de toonheugte te veraanderen.

De cuíca is onmeundig belangriek in verskillende soorten samba. t Is vuural bekeand van de Karnavalsgroepen oet Rio de Janeiro, dee't mangs hele batteriejen cuícaspöllers hebt. t Is zelfs zo onmisboar det bie gebrek an cuícaspöllers, muzikaanten zelf t geluud met n moond noadoot. n Vuurbeeld van det noadoon kö'j heuren in t introgedeelte van Dizzie Gillespie's versie van de Chega de Saudade (van t "On the French Riviera" album) eskrewen duur Antonio Carlos Jobim.

t Geluud is noa te bootsen duur in een päkken dreenken of ne milkshake-beker van de bekeande Amerikaanse fastfood-restaurants rap met t reedken op en dale te beweagn.

Bekeande nommers met ne cuíca[bewark | bronkode bewarken]

Oetgoande verbeendige[bewark | bronkode bewarken]