Foekepot

Oet Wikipedie, de vraaie enzyklopedie
Gao naor: navigasie, zeuk
Een foekepotspeuler op een schilderie van Frans Hals

Een foekepot is een oud volksmeziekinstrement dat gebruuk wönnen in de Lege Lanen.

De foekepot kan uut verschillende dingen bestaon:

  • Een uut-ehollen sukerbiete, daorover wonnen dan een varkensblaoze espannen en in 't midden zit een rietjen. A-j 't rietjen dan op en neer beweugen dan klunk 't as foeke, foeke, daorumme heet 't oek een foekepot (dit wonnen mit een duur woord onomatopee eneumd). Zo kump de foekepot veural veur op de Veluwe en werschienlijk oek daorbuten.
  • Een pot van diggelwark, daorover wonnen dan een vlieze espannen en in 't midden van 't vlieze zit een stokjen vastemaak. Dit stokjen is bestreken mit hars. Je nemen 't stokjen in de haand en mit 't stokjen maak je dan een vrievende beweging waor een trillende beweging veroorzaak wonnen. Zo kump 't veur in aandere delen van 't laand.

Over de foekepot bestaon oek verschillende liedjes, in de Achterhoek zingen ze bieveurbeeld:

Foekepotterij, foekepotterij,
geef mien 'n cent, dan gao ik weer veurbij.
ik heb geen geld um brood te kopen,
deurum mot ik met de poekepotte lopen.
Foekepotterij, foekepotterij,
geef mien 'n cent, dan gao ik weer veurbij.

Mit Sunte-Marten (in november) of vastenavend wönnen de foekepot oek deur kienders gebruuk as ze langes de deuren gungen.

Een internasjonaol bekende versie van de foekepot is de cuíca, die veul in samba gebruukt wonnen.

Nedersaksisch[bewark | bronkode bewarken]

  • Grunnegs: foekepot, rommelpot, foekerommelpot