Metaal
Metaal is n skeaikeundig elemeant oet ene van de volgende rieges van t Periodieke Elemeantnstelsel:
In t Periodieke Elemeantnstelsel stoat disse elemeantn leenks van de half-metaaln, of metalloïedn. Disse lignt op ne skune liene, van Boor (B) tot Pollonium (Po).
Eankele bekeande metaaln beent iezer, alluminium, kopper, nikkel, lood, zeenk, tin, goold en zilver.
[bewark] Karaktertrekn van metaal
[bewark] Chemise karaktertrekn
t Belangriekste kenmoark is de lege elektronegativiteit. Hierduur trekt de elektroonn neet stoark noar n kern, en vormt doarduur makkelik positief belaadn joonn en köant ze woarkn met stöffe dee at negatief belaadn joonn vormt, woerbie n zoolt ontsteet.
De meeste metaaln beent chemies froai stöadig, mear alkalimetaaln (zo as noatrium) en eardalkalimetaaln (zo as magnesium) reageert onmeundig stoark.
Wo edeler t metaal, des te slechter at t reageert. Metaaln dee at neet reageert met zoerstof en water, en dus neet roestet wordt edel eneumd. Onedele metaaln doot det wal. Doarnöast beent r ook nog metaaln dee at onmeundig slim met water reageert (natrium, kalium). Det wordt zear onedele metaaln eneumd.
De edelmetaaln zo as goold, zilver en platina reageert egeet neet.
[bewark] Tastbere karaktertrekn
Metaaln beent an de volgende peuntn te herkenn:
- Ze hebt meesttieds n glemmig vuurkomn.
- Ze beent onmeundig toa en te pletn.
- Ze hebt meesttieds n hoog smeeltpeunt (behalve kwik).
- Ze loatt makkelik elektrisiteit en wöarmte duur.
