Boh Foi Toch

Uut Wikipedia, de vrye encyklopedy
Hans Keuper (rechts)

Boh Foi Toch is ne Achterhookse band, ontstoan in augustus 1989. De name betekent zo völle as: tjongejonge, 't is miej wat! De oprichters bunt zanger Hans Keuper (trekzak, zang), drummer Jan Manschot (Brekken Jan Schampschot, ex-drummer van Normaal), Ferdi Joly (Frederik Puntdroad, ex-gitarist van Normaal) en Willem te Molder (bassist).

Zee hebt in dee tied beslotten um Tex-Mex, cajun en zydeco-achtige muziek te goan maken. Cajun is de muziek van de van eursprong Franse leu uut Louisiana in Amerika, zydeco leunt meer op een zwarten eursprong. Zee zingt in et Achterhooks.

Het eerste optreaden van Boh Foi Toch is op 1 januari 1990 in de zale Concordia in Hengel. Nog veur dat optreaden is de band evroagd dree andere optredens te holden, allemoal in den Achterhook. Vanof dee tied spölt Boh Foi Toch in völle zalen en feesttenten, veural in et midden en oosten van 't land. In 1992 hebt zee de earste cd uutebracht: Zeet de Jongs.

In 1999 stapt drummer Jan Manschot uut de band. Han Mali vervangt hum; hee kump van de Tim Disney Band dee doar net met op-eholden is. An 't ende van 2005 geet Ferdi Joly vort um weer biej Normaal te goan spöllen. Hee wodt op-evolgd deur gitarist Paul 'Mealmoes' Kemper, afkomstig van Normaal.

In 2015 viert Boh Foi Toch 't 25-joarig jubileum met concerten en een ni'j album. In 2020 volgt 't 30-joarig jubileum met concerten en een dvd.

Platenlieste[bewark | bronkode bewarken]

Volleadige cd's[bewark | bronkode bewarken]

  • Zeet de jongs (1992)
  • Veur pauwen en poeten (1993)
  • Den Straotfox en andern (1995)
  • Boekspek (1997)
  • Foi Foi Toch, 10 jaor Boh Foi Toch (2000)
  • Veur geld en goeie weurde (limiteerde oplage, live-cd veur de Rabobank emaakt)
  • Gewoon verdan (2010) met ne dvd derbi'j, umdat ze 20 jaor bestoat
  • Soh! (2015)

Lösse singels, nummers en albums[bewark | bronkode bewarken]

  • Achterhook butengewoon Nederland (1993) (De nummers Reirink's Marie, Muurbleumken, De Foekepot en Zörge staot op dit verzamelalbum)
  • Dörrekum (1995)
  • Fu Hing dat steet (1995)
  • Et toi amigo (1996)
  • In de stadt van Groll (1997) (emaakt to de Grolsch brouweri'je ankondigen weg te zollen goan uut Grolle)
  • Kwaliteit uut 't oosten (1997) (emaakt veur International Medical te Zutfent als relatiegeschenk)
  • 't Armenhuus (1998)
  • Boksebier (1998) (emaakt veur Erve Kots in Leeuweld)
  • King of the road (2000) (Et nummer Op 't rad steet op dizze verzaomel-cd met fietsnummers)
  • Voor in de Achterhoek (2001) (Et nummer Vrouw Begeerdink steet op dizze verzaomel-cd veur het 10-joarig jubeleum van Optimaal-FM)
  • Sterre uut 't Oost'n (2002) (emaakt veur Guus Hiddink, toene hee Zuud-Korea noar plaatse veer op et WK wissen te kriegen)
  • Op melkbussenheugte (2002) (emaakt veur et 75-joarig jubeleem van veutbalvereniging Oeken)
  • Treins nemt met, treins brengt an (2003) (emaakt veur Syntus, to zee et oppenbaar vervoer gingen doon in den Achterhook)
  • Daar zit muziek in! (2006)
  • 25 jaar Aktief (2008) (emaakt veur kringloop-stichting Aktief vanwege heur 25-joarig bestoan)

Video/dvd[bewark | bronkode bewarken]

  • Foi Foi Toch, 10 jaor Boh Foi Toch (live) (VHS) (2000)
  • Gewoon verdan (cd & dvd) (2010)
  • Boh Foi Toch 30 jaor! (dvd) (2020)

Uutgaonde verwiezingen[bewark | bronkode bewarken]

Dit artikel is eskreaven in et achterhooksk.