Bliende slange

Oet Wikipedie, de vraaie enzyklopedie
Gao naor: navigasie, zeuk
Bliende slange

Een bliende slange (Latien: Anguis fragilis) is een pootloze evedesse uut de femilie Anguidae, en neet zoas de naam dut vermoeden een slangesoorte.

De bliende slange kan zo'n 50 centimeter lange wonnen mar in partie gebieden blief e kleiner. De kleur is bruun tot gries mit op de rogge en flanken meestentieds enkele dunne donkere strepen van de nekke tot de start, dee soms bestaon uut riejen iezig kleine vlekjes. Vanwegen 't grote verspreidingsgebied kunnen de kleuren verschillen; partie exemplaren bin roesbruun, geel of zelfs zwart. In de paortied kriegen veural de mannetjes blauwe vlekken op de rogge.

Verwarring mit de slange[bewark | bronkode bewarken]

Umdat de bliende slange op een slange liek, wonnen ze vake dood-emaak deur luui dee denken dat 't um een gevaorlijke slange geet (vandaor oek de naam bliende slange). Toch bin der een paor kenmarken dee oek vanof een veilige ofstand laoten zien dat 't um een onschuldige evedesse geet;

  • Slangen hem gien ooglejen, en de bliende slange wel.
  • De kop van slangen is meestentieds dreehoekig, dee van de bliende slange is typisch evedesseachtig en zonder dujelijke nekke.
  • Bliende slangen hem kleine ogen, veul slangen hem grote ogen.

Algemeen[bewark | bronkode bewarken]

De bliende slange kump veur in grote delen van Europa en Klein-Azië. Zien woenplekke besteet uut begreuide umgevingen mit een struiigelaoge waorin 't dier in kan schulen en jagen. Umdat 't een schemeractieve soort is, wonnen e neet zovake overdag ezien. In Nederlaand is de bliende slange veurnamelijk te vienen in bossen op open plekken, bosranen en houtwallen. Klimmen dut disse evedesse neet grege en hij jaag mit name op wat e op de bojem vien. Umdat de evedesse neet zo gauw is, vang e oek wat langzamere prooien as (naak)slekken, regenwurmen en insekken en de larven.

Bescharming[bewark | bronkode bewarken]

't Geet wisse in Nederlaand en België neet goed mit disse soort. Zien woenplekke verdwien en bannen hout wonnen vanzelf oek op-eruumd, terwiel disse plekken favoriet bin veur de wienterslaap; de dieren kunnen der massaal an-etröffen wonnen. Butendat vormp veural de fezante een anzienlijke bedreiging. De soort is dan oek bescharmd deur CITES, en mag neet meer evungen of edood wonnen.

Waornemingen in Nederlaand[bewark | bronkode bewarken]

Nedersaksisch[bewark | bronkode bewarken]

  • Drèents: haoswörm, haozelwörm, hazelwörm, heesworm, heeswurm, ieswörm
  • Veluws: bliende slang(e)

Uutgaonde verwiezingen[bewark | bronkode bewarken]

Wikimedia Commons Commons: Bliende slange - plaetjes, filmkes en/of geluudsbestaanden.