Blauwpaapjen (mees)

Uut Wikipedia, de vrye encyklopedy
(döärstüürd vanaf "Blauw paapjen (Parus caeruleus)")
n Blauwpaapjen van opzied
t Blauwpaapjen komt overal in Europa veur, behalve op Iesland en t uterste noorden van Skandinavië
n Blauwpaapjen
n Blauwpaapjen op n zwieg
t Jong van t blauwpaapjen

t Blauwpaapjen (Cyanistes caeruleus vrogger: Parus caeruleus) is n kleine zangvoegel uut de familie van de mezen (Paridae). Hie komt in zwat heel Europa veur. In de Lege Landen ku'j ze swienters vaak in de hofjes, bossen of in de struken zien, veural as minsen apenoetjes of ander voegelvoer in n zakjen op-ehungen hen. Blauwpaapjes bin iezig slop en hangen behendig an zo'n zakjen en weten zoender al te veul meuite de noet uut de schaol te pikken. Hier bin de are voegels meestal wat lomp mee.

Kenmarken[bewark | bronkode bewarken]

t Blauwpaapjen het n opvallend verenpak mit zien kobaltblauwe kroen, start en vleugels die prachtig ofsteken tegen t geel van zien oenderkant. Mannetjes en vrouwtjes lieken iezig veul op mekaar (vrouwtjes bin vaak wat matter ekleurd). As die nog jong is, dan is t op de kop wat greunachtig in plaots van blauw en op de wang wat gelerig. Ze bin mit der elf tot twaolf sentimeter (van snavelpunt tot starteinde) wat kleiner as de biejevreter. t Geluud van n blauwpaapjen klinkt as: tsie tsie tsie tirrrr.

Veurkommen[bewark | bronkode bewarken]

t Antal blauwpaapjes is beheurlik en oek t gebied waor ze veurkommen is aordig groot. Hie breuit in zwat heel Europa tot in t zujen van Skandinavië. Alleen in t noordelike deel van zien verspreidingsgebied is die gedeeltelik trekvoegel over kortere ofstanden naor t zujen.

Levenswieze[bewark | bronkode bewarken]

t Blauwpaapjen breuit in loofbossen, gemengde bossen, hegen, parken en hofjes. Hie nestelt in boomholtes, gaoten in muren en nestkastjes. t Blauwpaapjen het n veurkeur veur n klein vlieggat van 26–28 mm deursnee, daordeur kunnen de wat grotere biejevreters oek niet binnenkommen. t Grappige is dat n nestkast mit n te groot gat soms zoemers deur blauwpaapjes gebruukt wort um te breujen en swienters deur biejevreters um te overnachten.

Taxonomie[bewark | bronkode bewarken]

t Blauwpaapjen maakt vanouds deel uut van t geslacht Parus. Deur nieje ontwikkelingen bin der voegelkenners (veural Amerikanen) die t blauwpaapjen in n ampart geslacht plaotsen, namelik Cyanistes. De tweedelige Latiense naam is dan Cyanistes caeruleus.

Nedersaksies[bewark | bronkode bewarken]

Foto-uutstalling[bewark | bronkode bewarken]

Zie oek[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Blauwpaapjen - plaatjes, filmkes en/of gelüüdsbestanden.
Dit artikel is eskreaven in et westveluwske dialekt van Putten, in de Algemene Nedersaksiese Schriefwieze.