Anarchoprimitivisme

Oet Wikipedie, de vraaie enzyklopedie
Gao naor: navigasie, zeuk

Anarchoprimitivisme is 'n anarchistiese kritiek op de oorsprung en veuruutgaank van de beschaving. Volngs 't anarchoprimitivisme gaf de verschoeving van t jager-verzamelaar- naor laandbouw-bestaon anleiding töt verdeling van de bevolking in sociaaln klassn, onderdrukking en vervrömming. Anarchoprimitivisten pleit veur 'n terugge keer naor 'n onbeschaafn meniere van leewm deur middel van ont-industrialisatie, ofschaffing van arbeidsverdeling of spesjalisatie, en 't ofstaand nemmn van grootschaolige organisatietechnologien. D'r bestaot ok aandere, niet-anarchistiese variaantn van 't primitivisme, en nie alle primitivisn wiest 'tzölfde verschiensel an as de bronne van de huudige beschavingsprobleemn.

Veul traditionele anarchistn verwarpt de kritiek op de beschaving, waorbi'j völle ontkent dat anarchoprimitivisme iets te maakn hef met anarchisme, terwel sommign, zo as Wolfi Landstreicher, die kritiek wel onderschrieft, mar zichzölf nie as anarchoprimitivisn beschouwt. Anarchoprimitivistn wörd vake kenmarkt deur hun gerichtheid op 't daodwarklik bereikn van 'n netuurlike toestaand deur verwildering.

Nuvola apps ksig.png Dit artikel is eskreven in t Sallaands.