Theodore Kaczynski

Uut Wikipedia, de vrye encyklopedy

   Dit artikel mut nog ummezet wonnen in wikistiel.

Theodore John (Ted) Kaczynski (Chicago (Illinois), 22 meie 1942), bi'j-enaamd de Unabomber, is 'n Amerikaansen wiskundige, neo-Luddiete maoschappi'jkritikus en terrorist, die 'n ri'jchie anslaagn met bombrieven uutvoerden woorbi'j verscheiden dojen en gewonden bi'j veulen. Nao 'n jorenlange opsporingsprocedure wödden hi'j uuteandlik op 3 april 1996 arresteerd in zien schuulplaatse in de bossen van Montana.

Inleiding[bewark | bronkode bewarken]

Kaczynski was 'n intellectuelen wonderkind dat al vrog op schoele uutblönken. Hi'j studeerden an de Harvard-universiteit en behaalden zien PhD in wiskunde an de Universiteit van Michigan. Op zien viefentwintigsten wödden hi'j universitair docent an de Universiteit van Californië, Berkeley, mar namen nao twee joor ontslag.

In 1971 verhuusden hi'j naor 'n of-eleegn hutte zunder elektriciteit of streumend water in Lincoln (Montana), woor hi'j zich overlevingsvoordigheden begunnen an te leren in 'n poging um onofhaanklik van de butenweerld te wödden. Hi'j kwamen dertoe um 'n bomanslagcampagne te begunnen, naodat hi'j ezien haden hoe de wildernis rondum hum vernietigd wödden deur ontwikkelingsprojecten. Van 1978 töt 1995 stuurden Kaczynski 16 bombrieven naor verschillende doelen, wooronder universiteiten en luchtvoortmaoschappi'jen, woormet hi'j drie meansen doodden en 23 verwondden. Op 24 april 1995 stuurden Kaczynski 'n brief naor de The New York Times en beleufden "met zien terrorisme te stoppen" as de Times of The Washington Post zien manifest zollen publiceren. In zien Industrial Society and Its Future (De Geïndustrialiseerde Maoschappi'je en heur Toekomst, ok 't "Unabomber Manifest" enuumd), betoogden hi'j dat zien bomanslaagn extreem, mar noodzaaklik waren um de andacht te vestigen op de uutholling van de meanslike vri'jheid, veroorzaakt deur de, moderne technologieën vereisende, grootschalige strukturering.

De Unabomber was 't doelwit van 'n van de kostbaarste opsporingsactiviteiten van 't Federal Bureau of Investigation's (FBI). Veurdat Kaczynski’s identiteit bekend was, maakten de FBI gebruuk van de codenaam "UNABOM" ("University and Airline Bomber") um nair disse zake te verwiezen, wat töt gevolg haden dat de media hum de Unabomber nuumden. Ondaanks de inspannings van de FBI, wödden hi'j nie gevangen-enummen as gevolg van denn opspeuring. In plaatse doorvan herkenden zien breur Kaczynski's schriefstijl en opvattings uut 't manifest en lichtten de FBI in. Um de doodstraf te veurkommen sleuten Kaczynski’s advocaten 'n zogenaamden plea agreement, woorbi'j hi'j schuld bekenden en veroordeeld wödden töt 'n lewenslange gevangenisstraf zunder de mooglikheid van veurwaordlike vri'jlaoting. Kaczynski is deur de FBI karakteriseerd as 'n “huus- tune- en kökkenterrorist.” Kaczynski's staandpunten kriegt bi'jval van sömmige anarchoprimitivistiesen schrievers, zo as John Zerzan en John Moore, ondaanks 't feit dat zi'j veurbehold koesteren over zien acties en ideeën.

Dit artikel is eskreaven in et sallandsk.