Zwil

Uut Wikipedia, de vrye encyklopedy
Naar navigatie springen Naar zoeken springen

Zwil is ne roewe, harte verdikking van de boetenste hoedloage. Zwil ontsteet as et vel völle druk of wriewing te verdoeren krig. Zwil zorget der vuur det de hoed neet kapot geet.

Ontstoan[bewark | bronkode bewarken]

Zwil keump et meeste vuur oonder veute. Mer ook leu dee as völle met de haande woarket, kriegnt zwil in de haanden. In de bouw, bie automonteurs of fietsenmakers, mer bie ook tradisjonele beropen as boer en reetdekken. Leu dee as muziek maakt, köant ook zwil in de haanden kriegen. Gitaar- en vioolspöllers kriegnt harte vingertöppe van et kniepen in de snoaren. Slagwoarkers van conga's, bongo's of aandere haandtrommen köant zwil in de haanden kriegen van et houwen. Zwil keump hier good van pas, umdet et zearte vortneamp.

Zwil ontsteet bie druk en wriewing, mer ook bie veraandering in temperaturen, hette, zweten en bie zeekte. Leu köant der ook ne oarfelike anleg vuur hebben. a'j wat oetstekkende butte hebt, kan det ook zorgen det der op et vel doar umhen ook zwil gröait.

Nedersaksies[bewark | bronkode bewarken]

In et Tweants zeent der meardere zegswiezen met zwil.

  • He'j zwil in de oren? - Vake broekt as ene dudelik neet wil lusteren.
  • Den hef zwil an et gat. - Broekt vuur leu dee as neet gearne woarket en dus lewer zitt.