Zoerbraand

Uut Wikipedia, de vrye encyklopedy
Eskulaap WIKIPEDIA kan der nit vöär instån dat de inhold van artikels kloppet.
As jy wat mankeret, kün jy et beste eaven by een dokter angån.

Zoerbraand (offisjeel Gastritis) is ne oontsteking van t maagsliemvlies. Zoerbraand gef n breanderig geveul, t 'zoer'. t Is skoonwal ginne maagzweare, want zoerbraand vernem iej pas a'j wat verkeards egetten hebt, en det he'j bie ne maagzweare nit.

t Hef lange doerd vuurdet de dokters wussen woer t van keump; iederene hef in de mage ne bakterie (Helicobacter pylori) den't good tegen maagzoer kan. As den te talriek wörd, krie'j last van zoerbraand (ne zeare mage).

De grötste veroorzakers zeent oawermatig zoepen, te völle regelmoatig innemmen van asprientjes of ibuprofen. Mangs ontsteet t ook noa zwoare ongelukken, besmettings, brökken, of braandwoonden. Ook t loaten zetten van nen maagbaand um gewicht tegen te goan kan ne oorzaak wean.

De meest vuurkommende verskiensels zeent zearte of n ongemakkelik geveul in n boek of in t middelnrif. Aandere kenmoarken köant wean t opzwellen van n boek, misselikheaid en spiejen. Ook kö'j n geveul kriegen de'j zat zeent, terwiel a'j nog nit genog egetten hebt.

Um t tegen te goan kö'j ontzoeringsmedisienen (antacide) nemmen, antibiotika, of zorgen de'j gin stoark krudig etten binnen kriegnt.