Zangkeunst

Uut Wikipedia, de vrye encyklopedy
(döärstüürd vanaf "Zang")

Zangkeunst is de keunst van muziekmaakn met de stemme. Duur oadem vanoet de longn geliekmoatig laanks de stembaandn te loatn loopn, goat disse triln, woerduur't nen klaank ontsteet. Duur klaankn en/of lettergreepn op verskilnde toonheugtes oet te sprekn ontsteet ne mellodie. As nen zanger ne mellodie maakt zoonder n moond lös te doon, neumt ze det neuriejn.

Zangers köant allene zingn (solozaank) of in nen groep (koorzaank). Ze köant zelf doarbie op n muziekinstrumeant metspöln (bv. gitaar of piano), of dit duur aandern loatn doon, bievuurbeeld nen band, n orkest of nen geluudsdreager.

As nen zanger oonder t zingn ook nog akteern dut, neumt ze det opera-, operette- of musicalzaank.

Stiel en techniek[bewark | bronkode bewarken]

In de westerse muziek he'j nöast volksverskes en Gregoriaansen en Klassieken zaank, de techniekn dee't neudig zeent vuur jazzzaank en popmuziek.

Arabiese, verskeaidene Oosterse en aandere muziekstieln (bv. Mongoolsen Keelzaank) hebt völle oademsteun neudig, en aandere techniekn as westerse muziek.

Nen apartn stiel is t jodeln, wat vuural in Zuud-Duutslaand (Beiern), Oostenriek en Zwitserlaand wörd edoan. Hierbie is t de bedoling det de stemme "oawerslöt" van gewone noar kopstemme. In aandere westerse muziek is t juust de bedoling det dit zo min meugelik gebuurt. Nen bekeandn jodeler was Franzl Lang, den't bekeand steund as Der König der Jodler.

Professionele zangers richtet zik vuural op n kleain antal stieln, zodet ze dee volledig behearst. Nen operazanger zal bievuurbeeld möaite hebn met rock- of popmuziek.

Zangstemme[bewark | bronkode bewarken]

Elk meanske hef n bepoald stembereik. Doarmet wörd bedoold t antal toonn tusken n heugsten en leegsten toon wat n meanske kan maakn. Normaal gesprökn wordt zangstemn in edeeld in vief groepn:

Zangles[bewark | bronkode bewarken]

Zaank is ene van de heuwdväkke op t konservatorium. Zingn wörd vake in thoes al eleard of in n koor. Ene van de basislesn van zangles is solfège, woermet ze t muzikale geheur trainen doot. Doarnöast is t belangriek wodoänig a'j stoat, de oademtechniek, moondstaand, oetsproak en vuurdracht. Bie t konservatorium doot ze vuural völle an interpretasie, techniek en oetvoering. Doarnöast krie'j dr les in oonderwieslear, psychologie en muziektheorie.

Bekeande zangers[bewark | bronkode bewarken]

eankele bekeande zangers zeent of warn: