Zaand

't Kootwiekerzaand, een zaandverstoeving op de Veluwe

Zaand is korrelig spul wat miest bestiet uut kleine dielties stien en mineraolen. 't Kan verscheiden samenstellings hebben; vake bestiet 't uut siliciumdioxide in de vörm van kwarts. Behalve uut ofbraakmateriaol van gestientes kunt de körrels van organische ofkomst wezen, zoas van nunen of koraal.

Zaand wördt eklassificeerd naor de grootte van de körrels, die varieert van 63 micrometer töt 2 millimeter. Groffere körrels wördt grind enuumd; fienere körrels nuumt ze silt. De term zaand kan ok verwiezen naor een grondsoorte waorvan de massa uut meer as 85 percent dielties van zaandkörrelgrootte bestiet.

Haoste aoveral kun ie zaand vienden. 't Vörmt dunen en straanden langs de kust. Ok kump 't veur langs en in revieren en stroompies, in en um meren, in grotten, mienen en zaandofgravings, op bargwaanden en heuvels, bij gletsjers, in de woestijn en as sediment in de zeeën. 't Kump bename veur as sediment, det wil zeggen det 't zaand miteneumen is deur water of wiend.

Zaand daor aj cement van kunt maken bint mèensen barre drok op. Ok is zaand niet duur, umdet 't op veule plaatsen riekelk anwezig is. Ie kunt 't op verschillende menieren winnen: dreuge uut groeves of ofgravings, of nat onder de waterspiegel. Veur det leste wördt hydraulische "winzoegers" gebruukt.

Dit artikel is eschreven in 't Zuudwest-Drèents.