Zönnebekke

Uut Wikipedia, de vrye encyklopedy
Nå navigaty springen Nå söken springen
De boetnploatse vanof de Zonnebeekwegge.
n Weastkaant.
n Aachterkaant.

Zönnebekke (Nederlaands: Zonnebeek) is n noam van ne boetenploatse en t laandgood det derbiej hör. 't Lig neurdlik van t Buurserzaand an de Zonnebeekweg met oetzich oawer de heaie van t Osselerveald.

Skiednisse[bewark | bronkode bewarken]

t Laandhoes wör tusken 1906 en 1907 baawd noar t öntwarp van de architect A.G. Beltman veur J.B. van Heek en zinne wief, Edwina van Heek - Burr Ewing. t Öntwarp is boaseerd öp t laandhoes van Edwina's moor, wölk in Nashville, Tenessee in de Vereanigde Stöate van Amerika.

Architectuur[bewark | bronkode bewarken]

t Laandhoes, in neoklassistiese vörmgeffige, hef witte gepleaisterde geffeln en n skilddak met kappellen en an de ziejkaanten ne skouwe. n Veurgeffel is strak symmetries en spreng in t mirre lichlik noar veurne. Det deal hef n balkon det deur zule dröagen wör en is bekreund met ne timpane, woarinne n rozenveanster plöatst is. Det balkon is kenmarkend veur de zoo-nöamde Amerikoanse plaantershuze, dee deur de plantagebehearders baawd wörre. Ok n geffel a'n weastkaant har earst n balkon, moar dis is in 1911 töt ne serre ömbaawd.

Laandgood[bewark | bronkode bewarken]

Öp de skiednissevölle boetenploatse bint nöast t laandhoes ok ne toene, n kootshuus met stallen, n diensthoes, ne garage, nen kapskoer, ne greuntetoene met skoer, nen teakopel, ne skoapskeuje met duventil en n hek met öp de pielers n tekst 'Zonnebeek'. n Parkanleg in laandskopsvörmgeffige is noar t öntwarp van P.H. Wattez en is ok Amerikoans inspireard. Röndömme 1908 is nen beumgoard met greuntetoene en bleumetoene an-legd, dee ömreengd wör met muren en höage. In 1972 is de toene hersteld noar n öntwarp van t architectnburo T.H. Koning.

Metwarkige in de saamnleawige en toogang tö't laangood[bewark | bronkode bewarken]

n Broor van Jan Bernard - Jan Herman van Heek - rech öp 15 növeamber 1946 de Stichitge Edwina van Heek öp. Disse stichtige steunt kultureale pröjekte in Oaweriessel en n Gealderse Achterhook, dee richt bint öp t behaawn van netuurmonumente, skiednissewoardige baawwärke en kunstobjekte. Ok Hoes Zonnebeek wör beheard deur de stichtige. Öp n zöldervloor is n appartement baawd veur n heuidign behearder. n Villa en t park bint nich los-steld veur publiek, moar iej könt wal öp t laandgood roondsleantern.