Ystyd

Maximale uutbreading van et skandinaviske landys tydens dree glacialen. Rode lynde: Weichselyn; gele lynde: Saalyn; blauwe lynde: Elsteryn

Ne ystyd is nen langen duur wårin de temperatuur van et aerduppervlak en den dampkring flink laeger ligt. Dårdöär groit yskappen by de polen en up wearlddeylen en gletsjers in barggebeden. Et aerdklimaat wippet vöördan van ystyden når broikastyden. In dee lätste sint dan geheyls gin gletsjers up de planeet. De aerde sit up et ougenblik in de Veerde Ystyd, ouk wal de ‘Hüdige Ystyd’ enöömd. Up sikselv stånde kolde tyden binnen ne ystyd wordet glacialen enöömd, de wöärmere tyden tüskendöär de inter- of tüskenglacialen. Med mekander förmet se de Veerde Ystyd en ouk de öldere Ystyden.

In de glaciology düüdt et woord ystyd up uutstrekkede yskappen in beide de noordelike en südelike halvrunden. Disse andüding gevt an dat wy in ne interglaciale tyd sittet, et holoceen. Normaal solde de volgende ystyd oaver ungeveyr 50.000 jår beginnen, mär den barg hettevastholdende gassen dee in de oceanen en dampkring stoatet wordet, holdet dat teagen.