Witte Wieven (film)
Witte Wieven is nen gruselfilm uut 2024. Den film drait üm Frieda (spöäld döär Anneke Sluiters), ne vrouwe dee gin kinder krygen kan in ne stark gelöyvige gemeynskop. Et dorp steyt midden in ne oapen steade in en neaderlandsk wold, argens in de vroge middeleywen. De gemeynskop mag neet in et wold kummen, want dår waret düvels un bouse geysten rund. Döär ümstandigheiden kümt see der toch in torechte. Dat see der leavend weader uut kümt, löt öäre dorpsgenoten denken, see müt dan wal beseaten weasen. As see dan ouk noch swanger blikt to weasen he'j helemål et skåp an et dryten.
Et verhaal van den film is ne nye variaty up eyne van de olde noordwesteuropääske volksverhalen ümtrent witte wyven, spoukachtige weasens dee up heidegrunden rundwaret.
Bedenker un uutvoorder was filmmaker Didier Konings, Marc Nollkaemper güng oaver et verhaal. Den film was vöär nationale televisy to seen up 16. määrt 2024, as underdeyl van Koolhoven presenteert, en projekt van u.a. Martin Koolhoven un de VPRO, wårin as films andacht kryget dee as by et Internationaal Filmfestival Rotterdam vöär et eyrste to seen warren.
Språke[bewark | bronkode bewarken]
De filmkarakters spreaket nen mengförm van neadersassisk. Et düt in weasen wat drentsig an, mär der sittet ouk twentske un grönningske wöörde by döär. De aktöörs künnet gin woord neadersassisk. Dår hebbet se religyweatenskopper Arjan Sterken by ehad.
Spöälerslyste[bewark | bronkode bewarken]
- Anneke Sluiters as Frieda
- Nola Kemper as Sasha
- Reinout Bussemaker as Bartholomeus
- Joy Verberk as Elsind
- Leon van Waas as Gelo
- Nikita van der Linden as Sibbia
- Mark Eikelenboom as Sunno
- Tilo van Driel as Enno
- Vincent van den Broeck as Wisund
- Len Leo Vincent as Hikko