Wim Plekkenpol

Oet Wikipedie, de vraaie enzyklopedie
Gao naor: navigasie, zeuk

Wim Plekkenpol (Tiel, 8 april 1948) is een Nederlaandse politicus, sportjournalist en voetbaltrainer.

Voetbaltrainer[bewark | bronkode bewarken]

In 1975, hi'j was 27 jaor toendertied, wod hi'j trainer bi'j Olyphia, de voetbalclub in Noordwoolde. Hi'j nam de boel over van Koene Koopman uut Wolvege. Nao ien jaor pakten hi'j zien spullegies en wodde journalist bi'j 't radiopregramme Langs de Lijn, maar van 1980 tot 1982 was hi'j opni'j trainer van de gruun-witten. Hi'j wodde in 1982 opvolgd deur Hille Boonstra, die in 1998 wegraekt is.

In juli 2006 stelde Olyphia Plekkenpol veur de dadde kere an as trainer. Hi'j hul de club twie jaor in de dadde klasse en gaf et stokkien in de summer van 2008 over an André Bloemhoff.

Sportjournalist[bewark | bronkode bewarken]

Plekkenpol warkten bi'j Radio 1 Langs de Lijn, Radio Noord en vandaege de dag bi'j RTV Drenthe als sportpressintaoter en verslaggiever. Legendarisch was et verslag van Plekkenpol tiedens de TT in Assen. Vol enthousiasme versleug hi'j de eerste ronde, waorna hi'j him vertwiefeld ofvreeg waoromme alle coureurs stopten. Hi'j bleek de opwarmronde te hebben versleugen.

Plekkenpol verzorgden in de jaoren tachtig tegere mit collega Henk Kok de live radio-verslaegen van de Europacup-duels van FC Grunningen. In de jaoren negentig deej Plekkenpol, tegere mit Albert Schrik, vule maolen verslag van de naocompetitieduels van FC Emmen. Dat was in de tied dat Azing Griever trainer was an De Meerdiek.

Politikus[bewark | bronkode bewarken]

Wim Plekkenpol is wethoolder veur de VVD in de gemiente Weststellingwarf. Hi'j woonden jaorenlang in Noordwoolde, mar sinds een peer jaor woont hi'j in Wolvege. Hi'j was vuule jaoren actief als sportleraar.