Wilhelmina van Nederlaand

Uut Wikipedia, de vrye encyklopedy
Nå navigaty springen Nå söken springen
Keuningin Wilhelmina in de late jaoren veertig

Wilhelmina Helena Pauline Maria (Den Haag, 31 augustus 1880Apeldoorne, 28 november 1962), Prinses van Nederlaand (1880-1890, 1948-1962), Prinses van Oranje-Nassau en Hartoginne van Mecklenbörg (1901-1962), was van 23 november 1890 töt 4 september 1948 keuninginne van Nederlaand en regeerde onder de name Wilhelmina. Ze trouwde mit heur achterneve Hendrik van Mecklenbörg-Schwerin. Uut 't hielijk wördden iene dochter geboren, Juliana.

Wilhelmina was 't ienige kiend uut 't hielijk van keunink Willem III van Nederlaand en keuninginne Emma. Van 1890 töt heur achttiende verjaordag in 1898 was heur moe regentes. Bij de Duutse aoverval op Nederlaand vlochtte Wilhelmina mit heur femilie hen Engelaand, waor ze gedurende de oorlog de regering in ballingschop anvoerde.

Wegens gengelderije van Wilhelmina was kroonprinses Juliana in 1947 en 1948 veur 157 dagen regentes. Wilhelmina was haoste 58 jaor keuninginne van Nederlaand, mar feilijk regeerde ze wat körter as vieftig jaor. Daorumme blif ze nog wal mit ofstaand 't langstzittende Nederlaandse staotsheufd ooit.


Nuvola apps ksig.png Dit artikel is eschreven in 't Zuudwest-Drèents.