Wikipedia:Parsberichen/4000 artikel en skriefwedstried 2009/twd

Uut Wikipedia, de vrye encyklopedy

Neersassiese Wikipedie heuld schriefwedstried

De term Neersassies wörd aal mear ebroekt vuur de streksproaken van noordoost-Neerlaand: Grönnings, Dreants, Stellingwaarfs, Sallaands, Veluws, Tweants, Achterhooks en Urkers. t Neersassies wörd, liek as t Freesk en t Limburgs, as sproake erkeand duur de Neerlaandse regearing. Der wörd aal mear in ezungen en eskrewen en t wörd vakerder in de media ebroekt.

Op t internet ontbrek t Neersassies ook neet: de grötste webstea wat der an ewiedt is, is de Neersassiese Wikipedie. Wikipedie is ne encyklopedie op t internet in zo'n 270 sproaken, woer iederene vrie vanoet hoes an met kan skriewen. De Neersassiese Wikipedie besteet seend 2006 en hef non mear as 4000 artikels. De artikels beent eskrewen in alle dialekten dee't hierboawen eneumd beent; elken skriewer gebrok zin egene dialekt. De artikels goat vake oawer de egene strekke: evenemeanten zo as de autorodeo en de Zwatte Cross, muzikaanten as Daniël Lohues en Jovink en de Voederbietels, mear ook aandere zaken, zo as geskiedenisse, sport, en nog völle mear.

Non is der vuur oe ne skiere geleagenheaid um der zelf an met te doon: vie hebt nen skriefwedstried met nen pries vuur n besten skriewer. Twiefelen oawer de skriefwieze mu'j neet doon; vie helpt oe duur later zelf de spelling an te passen. Iej hooft ook de sproake neet zo good te kennen as oew grotvaa; iej leart goandeweggens. Kiek op http://nds-nl.wikipedia.org/wiki/Wikipedie:Skriefwedstried