Wikipedia:Parsberichen/4000 artikel en skriefwedstried 2009/stl

Nedersaksische Wikipedie orgeniseert schriefwedstried

De term Nedersaksisch is in opkomst veur de streektaelen van noordoost-Nederlaand: Grunnings, Drents, Stellingwarfs, Sallaans, Veluws, Twents, Aachterhoeks en Urkers. 't Nedersaksisch wödt, liekas et Fries en Limburgs, as tael erkend deur de Nederlaanse overhied. Der wödt steeds meer in ezungen en eschreven en et wödt vaeker in de media bruukt.

Op internet ontbrekt et Nedersaksisch ok niet: de grootste webstee die d'r an ewijded is, is de Nedersaksische Wikipedie. Wikipedie is een encyklopedie op internet in zoe'n 270 taelen waor iederiene vri'j vanuut huus an mit kan schrieven. De Nedersaksische Wikipedie bestaot sund 2006 en het now meer as 4000 artikels. De artikels bin eschreven in alle taelvariaanten die hierboven eneumd binnen; elke schriever bruukt zien eigen dialekt. Ze gaon vaeke over de eigen streek: evenementen as de autorodeo en de Zwatte Cross, muzikaanten as Daniël Lohues en Jovink en de Voederbietels.

Now is d'r een schiere gelegenhied om d'r an mit te doen: wi'j hebben een schriefwedstried mit een pries veur de beste schriever. Twiefel over de spelling moet gieniene tegenholen, want wi'j verbeteren de spelling laeter. Ok hoe'j' de tael niet zo goed te kennen as jow pake: al doende leer ie. Kiek op http://nds-nl.wikipedia.org/wiki/Wikipedie:Skriefwedstried