Wikipedia:Parsberichen/4000 artikel en skriefwedstried 2009/gos

Leegsaksische Wikipedie organizeert schriefwedstried

t Woord Leegsaksisch of Nedersaksisch is ien opkommen veur de streektoalen van noordoost-Nederlaand: Grunnegs, Drìnts, Stellenwaarfs, Sallaands, Veluws, Twìnts, Achterhouks en Örkers. t Leegsaksisch wordt, liek as t Frais en Limbörgs, deur de Nederlaandse overhaid erkend as toal. Der wordt aal meer ien zongen en schreven en t wordt voaker ien de media broekt.

Op web ontbrek t Leegsaksisch ook nait: t grootste webstee dij der bestaait ien en over de streektoal, is de Leegsaksische Wikipedie. Wikipedie is n enzyklopedie op web ien sikkom 270 toalen woar of elk vraai vanoet zien aigen haim aan mitschrieven kin. De Leegsaksische Wikipedie bestaait sunt 2006 ôf aan en het om en bie 4000 artikels. De artikels binnen schreven ien aal varianten dij hierboven nuimd binnen; elke schriever broekt zien aigen dialekt. Zai goan voakentieds over de aigen streek: evenemìnten as de autorodeo en de Zwaarte Kross, muzikanten as Daniël Lohues en Jovink en de Voederbietels, enzowieder.

Nou is der n schiere gelegenhaid om der aan mit tou doun: wie hebben n schriefwedstried mit n prieske veur de beste schriever. Twiefel over spèllen mout gainaine tegenholden, want wie verbetern de spèllen achterôf veur joe. Ook huiven joe de toal nait zo goud tou kennen as joen opa dat dut: joe leren ien tieds dat joe dounen. Kiek op http://nds-nl.wikipedia.org/wiki/Wikipedie:Skriefwedstried