Wikipedia:Parsberichen/4000 artikel en skriefwedstried 2009/act

Nedersaksiese Wikipedie organiseert skriefwedstried

De term 'Nedersaksies' is in opkumste veur de streekspraoken van noordoost-Nederlaand: Grönnegs, Drents, Stellingwarfs, Sallaands, Veluws, Twents, Achterhooks en Urkers. 't Nedersaksies wöd, net as 't Fries en Limbörgs, as taal erkend deur de Nederlaandse aoverheid. Der wöd stäödeg meer in ezongen en eskrevven en 't wöd vaker in de media gebroekt.

Op internet ontbrök 't Nedersaksies ok neet: de grootste webstae dee-t der an ewi-jd is, is de Nedersaksiese Wikipedie. Wikipedie is ne online encyclopedie in zo'n 270 talen waor iederiene vri-j vanoet hoes an met kan skrieven. De Nedersaksiese Wikipedie besteet sinds 2006 en hef noo meer as 4000 artikels. De artikels bunt eskrevven in alle taalvarianten dee-t hierbaoven eneumd bunt; elken skriever gebroekt zien eigen dialekt. Ze gaot vake aover de eigen streake: evenementen as de autorodeo en den Zwarten Cross, muzikanten as Daniël Lohues en Jovink en de Voederbietels.

Noo is der ne mooie gelaegenheid um deran met te doon: wi-j hebt nen skriefwedstried met nen pries veur den besten skriever. Twiefel aover de spelling mot gin mense teggenholden, want wi-j verbettert de spelling later. Ok hoof i-j de spraoke neet zo good te kennen as owwen grootva: al doonde leer i-j. Kiek op http://nds-nl.wikipedia.org/wiki/Wikipedie:Skriefwedstried