Wasbod (boek)
Mit een wasbod wodt een stark spierde boek bie meensken anduud. De spieren bin meervooldig golfd, naemelik drievooldig vertikaol (sixpack oftewel een zespak) en twievooldig horizontaol.
Annetomisch zien is een wasbod de kontoeren van de rechte boekspiere die onder de huud liggen (musculus rectus abdominis). De horizontaole baenen wodden deur de intersectiones tendineae vormd. Et antal hiervan kan variëren tussen nul en vier, waorbi'j ok annetomisch zien gien wasbod anwezig is tot een tenpack-wasbod (tienpak). De vertikaole strepen liggen tussen beide spierbaenen (linea alba) links en rechts van de naevel.
Veur et verkriegen van een wasbod moeten alle boekspieren intensief traind wodden en mit een vetaarm dieet moet vervetting tegengaon wodden, zodat de spieren onder de vetlaoge beter zichtber wodden. Over et algemien moet et vetpercentage bi'j manluden onder de 12% van et lichemsgewicht liggen.
