Waoterleliefemilie

Uut Wikipedia, de vrye encyklopedy
Waoterlelie

De waoterleliefemilie (Nymphaeaceae) is een femilie van bedekzaojigen. 't Bin waoterplaanten: de bloemen en blaojen drieven op 't waoter, mar de wortels houwen de plaanten op d'r plaotse. Mit zo'n zestig soorten is dit een kleine femilie. De plaanten koemen wereldwied veur, buten de poolstreken veur en de weustienen. In Nederlaand koemen van neture de gele waoterlelie (Nuphar lutea) en de witte waoterlelie (Nymphaea alba) veur.

Taxonomie[bewark | bronkode bewarken]

Disse femilie is eigenlijks altied erkend ewes deur plaantetaxonomen, mar de umschrieving van de femilie is minder constant ewes. 't Geslach Nelumbo greui in dezelfde habitat en wönnen vake in disse femilie in-edeeld. 't Is ebleken dat Nelumbo neet allinnig beheur tot een amparte femilie, mar zelfs helemaole neet verwant is. APG plaos Nelumbo in de orde Proteales.

APG II[bewark | bronkode bewarken]

't APG II-systeem (2003), en oek 't APG-systeem (of 1998), erken disse femilie mar plaos disse neet in een orde, al wies ze der wel op dat de naam Nymphaeales beschikbaar is veur een soortgelieke orde. De femilie wonnen zelfs helemaole neet eplaos behalven een toewiezing tot een van de basale ofstammingslienen in de clade bedekzaojigen (angiosperms). Opvallend is wel dat zowel APG I as APG II twee meugelijke umschrievingen toestaon:

  • Nymphaeaceae sensu lato: dus oek de plaanten (in de genera Brasenia en Cabomba) dee of-esplits zol kunnen wonnen as de femilie Cabombaceae
  • Nymphaeaceae sensu stricto: behalven de plaanten in de genera Brasenia en Cabomba. Der blieven dan zes geslachen over: Barclaya, Euryale, Ondinea, Nuphar, Nymphaea en Victoria.

Post-APG II[bewark | bronkode bewarken]

De AP-webstee wies wel de femilie toe an de orde Nymphaeales en accepteer de splitsing in twee femilies (Nymphaeaceae en Cabombaceae). Dit blief veurhaans informeel (meschien in APG III, as 't ooit epubliceerd wonnen).

Cronquist[bewark | bronkode bewarken]

't Cronquistsysteem (1981) wees de femilie toe an

de orde Nymphaeales
in de onderklasse Magnoliidae,
in de klasse Magnoliopsida [= tweezaadlobbigen]
van de stamme Magnoliophyta [= bedekzaojigen].

Thorne (1992)[bewark | bronkode bewarken]

't Thornesysteem (1992) plaosen de femilie

in de orde Nymphaeales, dee weer eplaos wönnen
in de superorde Nymphaeanae,
in de onderklasse Magnoliideae [= tweezaodlobbigen],
in de klasse Magnoliopsida [= bedekzaojigen].

Dahlgren[bewark | bronkode bewarken]

't Dahlgrensysteem plaatste de familie

in de orde Nymphaeales, dee weer eplaos wönnen
in de superorder Nymphaeanae,
in de onderklasse Magnoliideae [= tweezaodlobbigen],
in de klasse Magnoliopsida [= bedekzaojigen].

Engler[bewark | bronkode bewarken]

't Englersysteem, in de herziening van 1964, plaosen de femilie

in de onderorde Nymphaeineae,
in de orde Ranunculales,
in de onderklasse Archychlamydeae,
in de klasse Dicotyledoneae,
in de onderstamme Angiospermae

Wettstein[bewark | bronkode bewarken]

't Wettsteinsysteem, lestens ewiezigd in 1935, plaosen disse femilie

in de orde Polycarpicae,
in de Dialypetalae,
van de onderklasse Choripetalae,
in de klasse Dicotyledones,
van de onderstamme Angiospermae

Foto-uutstalling[bewark | bronkode bewarken]


Wikimedia Commons Commons: Waoterleliefemilie - plaatjes, filmkes en/of gelüüdsbestanden.