Vrieje tied

Uut Wikipedia, de vrye encyklopedy
Vrieje tied

De vrieje tied van een persoon is de tied diej' niet deur hoeven te brengen an verplichte of noodzaekelike aktiviteiten zoas et huusholen, veur iene zorgen, studie of slaopen.

Aj' an vrieje tied daenken dan daenken wi'j al gauw an zaeken diej' graeg doen willen zoas tillevisiekieken of d'r op uut gaon, mar vrieje tied kuj' op verschillende menieren besteden. Zo kuj' in jow vrieje tied an sport doen, doende wezen mit jow liefhebberi'jen, ie kunnen reizen, passief of aktief mit kultuur doende wezen mar ie kunnen ok doen an bi'jgelieks vriewillegerswark.