Vlage van Grunnen
De vlage van Grunnen is bie keunenklek besloet in t joar 1950 aannomen. De onofficiële noam van de vlaag is ''Grunneger Kruus".
t Patroon is baseerd op de Skandinoavische vlagen en kleuren binnen baseerd op de woapens van Stad en de Ommelanden. De kleuren rood, wit en blaauw binnen òfkomsteg uut t woapen van de Ommelanden, t wit en gruin uut t woapen van Stad. De kleuren van Stad stoan in t centrum van de vlage om de centroale liggen en positie van Stad weer te geven.