Visk

Visk is n verzoamelnoam veur n grode groep daaier dij ien t wotter leven. De òfboaken van dizze group is dat zai aait ien wotter blieven, dat zai wel n groat hebben, dat zai oadmen via kijen en dat zai aaikes lèggen om heur lutjen op de wereld te brengen. Op dit moment binnen der sikkom 27.000 visksoorten bekend. Dizzent kinnen ien meer as 5000 femilies opdaild worden en der kin ook n onderschaaid moakt worden tuzzen zoltwottervisk (zeevisk) en zuitwottervisk (revier- en meervisk). Doarnoast is der ook nog de brakwottervisk dij leeft ien overgaangsgebieden tuzzen zolt en zuit wotter, zo as reviermondens en mangroves.