Veurolder

Vier generasies; probandus, moer, grootmoer en aovergrootmoer.

Drie generasies

n Veurolder is n persoon waor ene van ofstamt. Meestal verwis t naor n persoon die wat wieder van oe ofstiet as oew eigen olders of grootolders.

Twee mensen hebben n genetiese baand as ene dervan de veurolders is van de ander, of as ze n gemeenschappelike veurolder hebt. Elke veurolder die'j hebt hef iets bie-edragen an oew DNA. In de evolusie geldt dat ok veur verschillende soorten die van n gemeenschappelike veurolder hebt. Dit konsept geldt niet veur bepaolde bakteriën en aandere organismes die an horizontale genaoverdracht doet. Der kunnen DNA-tests edaon worden um te bepaolen of de ene van de ander n veurolder is.

In partie kulturen bint veurolders niet van grote petansie. Veule mensen hebt dan ok gien kennis van heur aovergrootolders. China is n veurbeeld van n kultuur dat aover t algemeen n diep respekt hef veur zien veurolders. Korea is n veurbeeld van n kultuur waor de veurolders eerd worden. Toch nemp de interesse in genealogie (onderzuuk naor oew veurolders) toe, beide deur amateurs en professionele genealogen.

Zie oek

• Lieste mit benamingen veur ginnerasies

Dit artikel is eskreaven in et oustveluwske dialekt van Heerde, in de Algemene Nedersaksiese Schriefwieze.