X
X, vroger ook Twitter, is een sociaal mediaplaform woerop as leu berichtjes van max. 280 tekens köant zetten. Leu köant der een egen profiel op anmaken en beskrieven wat öar bezighöldt. Anderen köant doar op reageren of een bericht van iemand delen (retweeten). Zo köant zik niejs en meaningen onmundig rap verspreiden.
Ook köant gebroekers der foto's en video's op delen, mekaar verbörgene berichten doon, peilingen holden. Duur et gauwe, korte en makkelike der van, nöast et rap better worden van mobielkes, gröaiden Twitter oet töt vuurname niejs- en meaningenstea. In 2013 stund et in de top 10 van bestbekekken websteas van de wearld. In 2019 had Twitter mear as 330 miljoen moandeliks aktieve profielen. Tegen 2019 wör dudelik at zo'n 15% van de gebroekers feitelik nepprofielen warren.
In 2022 wör Twitter oawerkocht duur Elon Musk, den as et in 2023 ummeneumen noar X.
Gebroek
[bewark | bronkode bewarken]Et gebroeken van Twitter wör ook wal twitteren of tweeten eneumd, wat kwettern of tjilpen beduudt. As beeldmoark har Twitter n kleain veugelken. Twitteren is feaitelik et biehoolden van een miniweblog. Dat kan met 'n kompjoeter of met et mobielken.
Gebroekers geewt antwoord op de vroage: Wat doo'j? of Wat is der goans?. Ze hebt hiervuur mear 280 tekens, woerin as ze köant oetleggen wat öare gedachen zeent, of woer of ze zeent, wat ze doot, en zo wiedter. Vake kiest nen twitterder een bepoald oonderwoarp um oawer te tweeten. Leu dee as doar mear oawer weelt weetn, köant denne dan volgen.
Nen twitterder kan ook in et vuurten angewen det he oargens bie zal wean en doaroawer zal twittern, zodet de volgers op de heugte bliewt van wat den twitterder metmaakt.
Geskiedenisse
[bewark | bronkode bewarken]Twitter is op erichet in oktober 2006 duur Obvious Corp, een bedrief oet et Amerikaanse San Francisco. Twitter begun as een oonderzeuksproject binnen Odeo, ne webstea van et webbedrief Obvious van Noah Glass en Jack Dorsey. Et grote publiek kon der vuur et eerst op in 2006. Twitter wun de Southwest Web Award van 2007 in de kategorieje "blog". As daankwoord har et bestuur van Twitter den volgenden tekst: "We'd like to thank you in 140 characters or less. And we just did!" ("Wiej wilt oeleu bedanken in 140 tekens of minder. Dat he'w non edoan.").
Et antal gebroekers van Twitter nöm machtig too, vuural duur vlotte niejsberichten noa raampen en aandere niejheden, zo as de noodlaanding van bv. Turkish Airlines vlocht 1951 en de opstaanden noa de presideantsverkiezings in Iran in juni 2009.
Vuuranstoande Twittergebroekers zeent bv. Barack Obama, Stephen Fry, Lance Armstrong en Robert Scoble. In Neerland he'j bv. minister Maxime Verhagen, en in België is Kim Clijsters drok op Twitteren.
Op 20 november 2009 leut ZDNet weten det et viefmiljärdste twitterbericht was eskrewen, duur nen Amerikaan Robert Sloan. Hee skreef ne reaksie op nen aanderen twittergebroeker: "Oh lord". Op 5 meart 2010 wör et tienmiljärdste twitterbericht verzeunden. Et was allene nit te leazen vuur de boetenwearld, umdet den Twitteraar zin profiel hef of eskoarmd. Der wör berekkend det der ongevear 600 tweets per sekonde wordt eplaatst.[1]
In Neerlaand wör op 22 november 2009 et woard Twitteren ekeuzen as Neerlaands woard van t joar, duur t Genootschap Onze Taal.
Oetbreadingen
[bewark | bronkode bewarken]Umdet wat leu neet genog harren an de basismeugelikheden van Twitter, zeent der verskeaidene oetbreadingen vuur oontwikkeld. Een zied-oonderdeel van Twitter was TwitPic (ne ofkörting is van Twitter Picture). Met disse funksie ko'j fotoos op twitter zetten, of ze noar oew profiel steuren, zodet ze vanzelf op Twitter komt. Met det Twitter noa verloop van tied disse meugelikhead zelf toovoogn an de et standaard twitterpakket, was TwitPic neet mear neudig.
De leste joaren zit Twitter in zwoar wear. Der komt neet völle nieje gebroekers mear bie en et jonge volk kös vuur aandere netwoarken as instagram en snapchat. Um toch interessant te bliewen, hef Twitter vanear ne stemmeugelikheid der bie edoan. Doarmet kan nen twitterder ne minipeiling hooldn. Ne aandere oetbreaiding is de toovoging van gif-ofbeeldingen, woermet as nen twitterder een bepoald geveul kan loatn zeen. Ook köant tweets rechtevoord inepland worden en an mekoar ekoppeld, zodat der nen twitterdroad ontsteet. Dat gef leu dee wat mear te vertellen hebt de kans um wat deper op de zaak in te goan en et in et geweld van de streum berichten van anderen toch bie mekoar te holden.
Oetgoande verbeendige
[bewark | bronkode bewarken]| Bronnen / wellen: |
|