Thomas Berge

Thomas Berge (2007)

Thomas Berge (echten naam Chiel Ottink, Eanske 25 jannuwoari 1990) is nen zänger oet Hoksebarge in Tweante, den in t Neerlaands zingen dut.

Loopbaan

Met 12 joar nöm he al zin eerste versken op; Mijn Luchtballon wör as promosie 800.000 moal verkocht. Zinnen artiestennaam is oet edacht um de Duutse muziekmoarkt an te sprekken, net zo as det is egoan met Heintje en Jan Smit. In 2005 wun he nen Goolden Harp.

In oktober 2007 zung he met Junior Songfestivaldeelnemster Tess Gaerthé t leed "De stem van mijn hart" in. Dit leed is ne ummezetting van t versken "You are the music in me" oet High School Musical 2. Op 6 september 2008 gung Berge met Roemjana de Haan noar t tweede Eurovisiedaansfestival in Glasgow. Doar haalden ze de leste plaatse met mer één peunt.

In 2014 köm Berge in t niejs umdet hee nen breef an nen radio-dj van t radiostasjon 538 skreewn har, woerin't he den kearl anspreuk op de anname det Thomas Berge nog aait ne onbedudende artiest was. Berge's nieje album steund hoge in de liestn, mer den dj weaigern um zinne muziek te dreein. Det steuk Berge:

"Um de een of aandere readn mut ik aait nog opboksen teegn t feit det ik as 12-jöarig jeunkn ne cd maakt hebbe oawer nen luchtballon en tusken 2002 en 2008 volkse verskes zingn deed. Ik wör zelf neet heel gelukkig van disse nommers. Doarumme he'k t kats aanders an epakt en zin de muziek goan skriewn wa'k zelf mooi veund. Op min nieje album 'Berge Verzet', wat binn ne wekke op plaats 11 in de album Top40 van Radio 538 steund, he'k onmeundig hard epokkeld as skriewer, muzikaant, co-producer en co-mixer. Eandelik muziek woer ik wál gelukkig van worde en onmeundig greuts op zin".

Doarumme daagn he den dj oet um um te neudigen vuur n optreadn. Det deed den dj.

Vuur tellevisie

Anvang 2007 deed he met an t programma "Sterren dansen op het ijs" töt he op 10 meart de ofvalwedstried verlöar van Geert Hoes. Bie RTV Oost deed he met an t programma "Toppers te Paard", woerin't bekeande leu leart peardrieden. Vanof 11 jannuwoari 2008 har he zinne eegne realitysoap op Nederland 1.

In 2010 dee Berge met an t EO-programma De Mattheus Masterclass woerin't ärtieste, dee't normaal niks met klassiek doot, n deel van Johann Sebastian Bach's Matthäuspassion oetvoert in de St. Vituskoarke in Hilversum.

Persoonlik

Thomas Berge har in t verleden vriejerieje met zängeressen Monique Smit en Daniëlle Bubberman (van t programma Holland's Got Talent). Seend november 2009 hef he verkearige met Daisy Drost (deelnemmer an Miss Oaweriesselverkiezings 2009), woer't he twee moal earder ook al wat met har.

Augustus 2010 leut Berge zik opnemn in nen ofkickhoes umdet he regelmoatig met drugs dee. Um te zorgen det t nit te gek zol goan, of det he verslaawd zol wordn, zochen he hulpe bie nen bekeandn oold-verslaawden, den't rechtevoort n ofkickhoes hef.

Mooi um te weetn

• Thomas Berge was, vuurdet he woark van zin zingen maken, nen beheurliken fietscrosser in jeugndverbaand
• Hee is ambassadeur van de Cliniclowns

Plaatnriege

Albums

Album	Uutgifte	Binnenkomst	Hoogste positie	Antal wekken	Opmerkingen
Thomas Berge	2003	25-10-2003	41	5
Als jij lacht	2004	26-02-2005	20	22
De mooiste	2005	29-10-2005	37	4	Verzamelalbum
Kerst met Thomas Berge	2005	-
Geloof in je dromen	2006	18-11-2006	32	8
Compleet	2007	15-03-2008	41	4
Live in de HMH	2008	04-10-2008	46	4
Kon ik maar even bij je zijn	30-10-2009	07-11-2009	10	8
Berge Verzet	21-02-2012	21-02-2014	10	-

Singles

Album	Uutgifte	Binnenkomst	Hoogste positie	Antal wekken	Opmerkingen
Mijn luchtballon	2003	-			800.000 van verkocht / #24 in de Single Top 100
Als jij alles kon overdoen	2003	-			#34 in de Single Top 100
Een glimlach	2004	-			#36 in de Single Top 100
Als jij lacht	2005	-			#46 in de Single Top 100
Ik zie mijn leven als een melodie	2005	-			#26 in de Single Top 100
De mooiste	2005	-			#45 in de Single Top 100
Als een mooie droom	2005	-			#54 in de Single Top 100
Jantjes gitaar	2005	-			met Johnny Hoes / #68 in de Single Top 100
Val aan	2006	-			#68 in de Single Top 100
Bellen	2006	-			#68 in de Single Top 100
Jij bent mijn leven	2006	-			#68 in de Single Top 100
Heel even	2007	-			#71 in de Single Top 100
De wereld ben jij	2007	14-07-2007	tip5	-	Soundtrack Zoop in Zuid-Amerika / #35 in de Single Top 100
De stem van mijn hart	2007	06-10-2007	tip2	-	met Tess / Soundtrack High School Musical 2 / #45 in de Single Top 100
Niet meer en niet minder	2008	-			#48 in de Single Top 100
Zonder jou	2008	12-07-2008	tip6	-	#10 in de Single Top 100
Ieder moment	2009	25-07-2009	tip9	-	#4 in de Single Top 100
Kon ik maar even bij je zijn	09-10-2009	-			#1 in de Single Top 100 / Goud
Geen kerstfeest zonder jou	12-2009	-			#1 in de Single Top 100
Ik vertrouw je niet meer	02-2010				#10 in de Single Top 100

Oetgoande verbeendige

• Offisjele webstea