Spionage

Oet Wikipedie, de vraaie enzyklopedie
Gao naor: navigasie, zeuk

Spionage is et hemelik achterhalen van nen tegenstaander öare geheimen, um der zelf nen vuursproonk met op den tegenstaander te kriegen. Zowat alle laanden van de wearld hebt wal ne deenst dee probeert spionage van aandere laanden tegen te goan. Dit wörd aait vealigheads-, zekerheads- of inlichtingendeenste neumd. Et tegenstriedige is det um spioneren te vuurkommen, et mangs neudig is um zelf te spioneren.

Ene den as spioneert, neumt ze nen spion. Spionnen probeert um bievuurbeeld informasie oawer et leager lös te kriegen, oawer plannen vuur militeare operasies, of nieje techniese ontwikkelingen woermet as een laand in ne meugelike oorlog een vuurdeel zol hebben. Dit kan duur gesprekken of te lusteren of dokumeanten oawer te nemmen of te stellen.

Bedriefsspionage[bewark | bronkode bewarken]

Ook in et bedriefsleawen wörd regelmoatig bie konkurreanten spioneerd. Hierbie probeert bedriewe van tegenstaanders in dezelfde industrie bouw- of fabrieksgeheimen lös te kriegen, um doar zelf öare produkten met te verbetteren. Zo köant ze een vuursproonk op den tegenstaander nemmen, zoonder doarvuur de oonderzeukskösten vuur te betalen. Vanzelfs is dit verböaden.