Ut mine Stromtid

Ut mine Stromtid (uutspraoke: 'Oet miene stroomtied') is een Platduutse roman deur Fritz Reuter (1810-1874), een schriever uut 't Hartogdom Mekelnbörg-Swerin. Oorspronkelijk kwaamp de roman tussen 1862 en 1864 in drei dielen uut. 't Verhaal bieldt 't laandlevend in Mekelnbörg in de jaoren achttienveertig uut, tegen de achtergrond van 't Revolutiejaor 1848. De stroomtied slag op de tied waorin een knecht in de lere is op een boerenspil. 't Wark hef autobiografische trekken; Reuter was zölf boerenknecht ewest.

Ut min Stromtid beschouwt ze as ien van de grote warken van de Saksische schrieverije. De roman wördden in verscheiden talen aoverezet, waoronder Nederlaands, Hoogduuts en Engels. Ok is 't verhaal meermaols verfilmd. Allewal e niet de heufdpersoon is, raakten lezers 't drokst op 't personage 'oom' Zacharias Bräsig en wördden die zien rolle vake benadrokt in bewarkings van de roman.

Dit artikel is eschreven in 't Zuudwest-Drèents.