Rugbie

2 manskapn in n scrum

n rugby tackle

Rugbie (van t Engels: Rugby) is n balspel woerbiej t doel is, n ovaalvormigen bal oawer de liene van n teegnspöller te kriegn.

Soortn

Rugbie is op te deeln in 2 soortn:

• Rugby Union (Unie-rugbie)
  • n manskap hef 15 spöllers
  • n scrum is n belangriek oonderdeel; de spöllers stoat skoolder an skoolder vuuroawer eböagn en prebeert n bal, den öar tusken de beene wördt egooid, te kriegn duur spöllers van t aandere manskap vort te drukn.
  • biej de Line Out (oet de liene) stoat n poar spöllers van beaide manskapn in 2 lienn nöast mekoar hoaks op de ziedliene op esteeld. As dr wördt in egooid munn beaide lienn prebeern n bal te kriegn.

• Rugby League (Liga-rugbie)
  • n manskap hef 13 spöllers
  • n scrum keump nit zo vaake vuur
  • n Line out besteet nit

Allebeaide vörme zeent machtig populair in Groot-Brittanië, Fraankriek, Australië, Niej-Zeelaand.

Unie-rugbie is n nasjonaaln sport in Wales, Niej-Zeelaand en laandn in n Stiln Oceaan zoas Tonga, Fiji en Samoa. Doarnöast wördt t ook völle spölt in Ierlaand, Argentinië, Roemenië, Zuud-Afrika en Italië.
Liga-rugby is n nasjonaaln sport van Papoea-Niej-Ginea, mear wördt ook wal völle in de laandn dee earder al eneumd zeent espölt. In 2007 is Zuud-Afrika wearldkampioen ewördn.

Doel

t Doel van t spel is um n ovaalvormigen bal oawer de liene van n teegnspöller te kriegn. Iej magnt n bal alleene mear verplaatsn duur ne vuuroet te skupn of oonder n oarm met te dreagn. n Bal oawerspöln noar n manskapgenoot mag alleene mear zied- of achterwearts. As n metspöller n bal van oew wil oawernemn mut-e dus nöast of achter oew goan loopn.

In Neerlaand is rugbie nit zo populair.

Disse pagina is eskreewn in t Riesns