De Graafschap

Den Vieverbarg

De Graafschap oet Deutekem is nen voetbalklub in de Nederlandse Eerste Divisie. Den klub is op-ericht op 1 februari 1954. Euren bi'jnaam is de Superboeren.

Noar anleiding van de Watersnoodwedstried en umdat KNVB der neet an wol um het profvoetbal in te voeren, wodden den 'wilden bond', NBVB opgezat. In dissen bond zol profvoetbal espöld wodden, woarveur ni'je klubs op-ericht wodden. In Deutekem wodden onder leiding van den heer Roodbergen den klub De Graafschap op-ericht. In Deutekem was doarveur nog nooit topvoetbal espöld. Toon de NBVB en KNVB fuseerden, trad De Graafschap too tot de normale (prof)kompetitie. Op 4 september 1954 waren der zo'n 12.000 kiekers bi'j de eerste wedstried, De Graafschap - Fortuna '54 op Den Vieverbarg, dee endegden in 1-1. De Graafschap is den enigen ploog oet de NBVB den nog zelfstandig besteet.

Bi'j de indealing in divisies kwam De Graafschap in de Eerste Divisie terechte, en in 1959 degraderen den klub zelfs noar de Tweede Divisie. Maar den klub voch zich weerumme en in 1973 wodden veur et eerst de Eredivisie ehaald. Sinds dee tied spöllen De Graafschap meermoals veur kortere of langere tied in de Eredivisie:

• 1973 - 1977 – De eerste veer seizoenen in de Eredivisie.
• 1981 - 1982 – Weerumkeer veur één seizoen.
• 1991 - 1992 – Weerumkeer veur één seizoen.
• 1995 - 2003 – Ne periode van acht seizoenen.
• 2004 - 2005 – Weerumkeer veur één seizoen.
• 2007 - 2009 - Weerumkeer veur twee seizoenen (Degradatie via play-offs).

De Graafschap is nooit landskampioen ewodden en hef nooit den KNVB-beker ewonnen. Wal is den ploog in 1991, 2007 en 2010 kampioen van de Eerste Divisie ewodden.

Den club hef n tenue met n horizontaal blauw (thoes) of greun (oet) met wit estreept shirt en ne witte bokse.

Bronnen / wellen:

Dit stüksken is nog maar en knöpken. Wy nöydigt ou üm dissen knop te låten bloien.