Sanne Wevers

Uut Wikipedia, de vrye encyklopedy
Wevers bie et EK van 2015

Sanne Wevers (Leeuwarden, den 17 september 1991) is ne Nederlaandse turnster oet et Tweantse Oldenzel. Wevers krig sund 2001 trening van earen vaar Vincent Wevers, bie verennige TON Oldenzel. Zee is ne tweelingzuster van Lieke Wevers, dee ok turnen döt. Op de Olympiese Spöllen van 2016 wun zee ne goaldene plakke veur et onnerdeel eavenwichtsbalken.

Leaven[bewark | bronkode bewarken]

Wevers in eavenwicht bie et EK van 2015

Bie ne wearldbekkerwedstried in et Skotse Glasgow op 18 oktober 2008 wun zee twee goaldene plakken: op de brug en op n balkn[1]. Op 1 januari 2009 wör zee met wielrennen Maarten de Jonge kroond töt sportvrouw en -kearl van Oaweriessel[2].

Bie de wearldkampioenskoppen turnen op 17 oktober 2010 in Rotterdam voren Sanne Wevers ear eigensbedachte haandeling oet: op n eavenwichtsbalken nen dubbelen pirouette met strekt been in de heugte[3]. Bie de Wearldkapioenskoppen Turnen van 2011 in Tokio kon ze der nich bie wean, Bie de Zommerspöllen in Londen en van de Tweantse topturnsters - zuster Lieke, Yvette Moshage en Wyomi Masela - kon eankel Wevers metdoon bie de eerste WK-plaatsingswedstrieden in Winterswiek. Met boondscoach Gerben Wiersma meugen de vrouwleu noar de Zommerspöllen van Rio de Janeiro in Brazilië. Nederlaand deu veur et eerst sund 1976 weer met een team met. In de laandenwedstried halen zee met ear team de zövvvende stea.

Op 15 augustus 2016 wun Sanne Wevers de eerste Nederlaandse goaldene turnplak op de Olympiese spöllen ooit. Zee maken met ear toer op n balken 15,466 peunten, woarmet as zee twee Amerikaansen, ne Fraanske en ne Braziljaanse achter zik leut.

Reffereansies[bewark | bronkode bewarken]

  1. "Sanne Wevers verrast met WB-zeges" RTV Oost, 18 oktober 2008
  2. "Maarten de Jonge en Sanne Wevers in de prijzen", De Twentsche Courant Tubantia, 2 januari 2009
  3. "Sanne Wevers krijgt haar element" Algemeen Dagblad, 17 oktober 2010

Oetgaonde verwiezing[bewark | bronkode bewarken]

Wikimedia Commons Commons: Sanne Wevers - plaatjes, filmkes en/of gelüüdsbestanden.