SSID

Uut Wikipedia, de vrye encyklopedy
Nå navigaty springen Nå söken springen

Een Service Set IDentifier (SSID) (Letterlik uut Engels: deynstenkoppelkenner) is ne rygel van karakters dey by mekander ne eynsoortige naam geyvt an een drådloos lokaal netwark (WLAN). Nen anderen naam vuur SSID is düs netwarknaam. Met dissen naam könt wifi-toostellen verbinding leggen met et wöynskete netwark, as der in dezelfvde ümgewing ook meerdere lösstånde netwarke zind.

Drådloze toostellen dey as rechtstreyks met mekander uutwesselt, wordt ne basic service set (BSS) nöymd; een basaal deynstenkoppel. Meerdere BSSen by mekander vormet eyn logys WLAN-segment, wat een extended service set (ESS) nöymd wörd, een uutbreid deynstenkoppel. Nen deynstenkoppelkenner (SSID) is niks anders as nen alfanümeryken naam vöör zonnen ESS.

Vuyrbeyld[bewark | bronkode bewarken]

In bedryf A kan et drådloze netwark (ESS) meerdere togangspünte (Access Points, APs) hebben en tyntallen tostellen, dey as allemål datzelvde SSID bruukt. Een ander bedryf under dezelvde kappe (B) kan een egen WLAN bruken, met wyr egene APs en tostellen, up een ander SSID. Een SSID helpet tostellen in bedryf A üm de juyste APs van bedryf A te vinden en tegelyke APs van bedryf B vöörby te gån.

AP's trekt meerdere målen per sekonde andacht, döör båkens uut te zenden met den ESS-naam (SSID). Tostellen pikt dan disse AP's up döör rond te lüstern of et nog båkens gef. Ze könt ook zelv pröyvbåkens met et juyste SSID uutstuyren üm AP's te zöyken. As et toostel een toogangspünt met den goden naam treft, stuyrt et een verbindingsverzöyk met et juyste SSID. Et toogangspünt gef dan een verbindingsantwoord, ook met et SSID.

Welle[bewark | bronkode bewarken]