Robin Page

Uut Wikipedia, de vrye encyklopedy
Nå navigaty springen Nå söken springen

Robin Frederick Page (Londen, 2 november 1932Canada, 12 mei 2015)[1] waar ain Brits-Canadees konstschilder en baildhaauwer. As perfesser waar 'e verbonden aan verschaidene Duutse academies veur de konsten.

Page roakte bekend as ain van de veurmannen van konstbeweegen Fluxus en waar oprichter van kunstbeweegen Jape Art. Hai waarkte onder aigen noam, moar ook onder 't pseudoniem Bluebeard (Blaauwboard). As konstenoar haar Page n beulde talenten: hai was onder aandern cartoonist, muzikaant, konstschilder, staindrokker, baildhaauwer en podiumkonstenoar. Zien waark wordt vailal kenmerkt deur absurdisme en satire, woarbie mit noame de konstwaereld (en nait in leste stee de konstenoar zullen) op hak nomen wordt. Ondaanks t grote vakmanschap van zien waark en dailnoame aan Documenta - de wichtigste tentoonstellen van haidendoagse baildende konst op eerd - kreeg Page tiedens zien laiven anders nooit volledige erkennen veur zien waark. Woar hai wel erkennen veur kreeg waar zien invloud op meziek. Hai wordt zain as groundlegger van 't guitar smashing in de popmeziek.

Tiedens zien laiven exposeerde Page veurnoamelk in West-Europa. Doar trad e t maiste op. Waarkens van Page moaken dail oet van de verzoameln van onder aandere de Kunsthalle Bremen, Museum Abteiberg[2], de Staatsgalerie Stuttgart[3] en de Austrian Ludwig Foundation for Art and Science.

  1. Robin Page obituary, The Guardian (London, England). 3 juni, 2015
  2. Erwerbungsförderung Im Fluxus-Luxus. (ophoald op 19 jan 2020)
  3. To the Museum of Modern Dreams. Artistic Concepts of the 1960s to the 1980s. Op: www.staatsgalerie.de (ophoald op 3 jan 2020)