Ringrieden
Et ringrieden is een peerdesport waorbij de dielnemers heur lans deur een rinkien moeten steken.
De dielnemers zitten dan op een peerd of staon op een karregien dat achter et peerd spand is. De ring hangt mit et magnetien an een band die boven de baan spand is. De dielnemers rieden mit heur peerd onder de band deur en perberen heur lans deur et rinkien te steken. Tiedens de wedstried wodden de ringen steeds kleiner. An et ende van de wedstried wint de rieder mit de meeste ringen.
Bij et ringrieden heurt meestal folklore. Bij de folklore het de rieder op et peerd een jassien an dat liekt op een uniform. As de ringrieders op een karregien zitten wodt et rieden vaak daon in klederdracht.
Joarliks wodt in De Berkoop een ringriedwedstried in augustus holden.