Riebewies

Uut Wikipedia, de vrye encyklopedy
Neerlaands riebewies töt an 1 oktober 2006

t Riebewies (ook wal mangs t roaze papierkn of veurekaarte neumd) is n skriftelik bewies det n persoon voldut an de laandelike eesken (verkearskennis en besteursveardigheaid) vuur t besteurn van voartuge.

In de dagelikse sproake wörd met t woard "riebewies" t "autoriebewies" bedoold, mer dr zeent ofzeunderlike riebewieze vuur trekkers, brommers, motoorn, zwoare en lange anhangers en vrachtwaagns. Dit haank of van t gewicht en de leankte van t voartuug. Zoonder riebewies magnt leu gin voartuug besteurn.

n Riebewies is te verdeenn duur les te nemn bie ne good ekuurde rieskole. In de opleaiding zit n theoriedeel(verkearsregels, verkearsbordn en inzicht in wegsituasies) en n praktijkdeel, woerbie't ne offisjele eksaminator van t CBR metgeet en kik o'j t good doot. In Neerlaand ma'j vanof 17 joar beginn met lesn, mer pas vanof 18 zeelfstaandig nen auto besteurn.

Seend 1 oktober 2006 wörd t riebewies nit mear as papierkn oet egeewn, mer as plastik kaarte.

Indeling[bewark | bronkode bewarken]

De indeling van riebewieze geet van A töt E.

  • A: brommers en motoorn
  • B: persoonnvervoor: voartuge oonder de 3500kg en 1 besteurder met ten meeste 8 metrieders
  • C: kleaine vrachtwaagns zoonder oplegger
  • D: busn
  • E
    • E-b: Persoonnauto's met langn anhanger
    • E-c: Zwoar transport; vrachtwaagns met anhanger
    • E-d: Busn met anhanger

Oetgoande koppeling[bewark | bronkode bewarken]

CBR-webstea