Razzia van Putten

Uut Wikipedia, de vrye encyklopedy
't Vrouwtjen van Putten

In 't daarp Putten in Gelderland worde op 2 oktober 1944 deur de Duutse bezetters een razzia uut-evoerd, waorbie 't merendeel van de mannelijke bevolking, 661 mannen en jonges, of-evoerd worde naor Neuengamme.

Disse razzia was een Duutse vergelding veur de beschieting, een dag derveur, van een auto van de Wehrmacht bie de Oldenaller-brug (tussen Putten en Niekark) deur een verzetsgroep. Hierbie kwam één van de vier Duutse inzittende officieren um 't leven.

De represaille worde uut-evoerd op bevel van ginneraol Friedrich Christiansen. Oek worde der ruum 100 woeningen in braand esteuken. Naor de oorlog kwammen der van de 661 mannen mar 49 terug. De rest van de mannen kwammen um in concentraosiekampen.

Een monument ter naogedachtenis an de slaachtoffers van de razzia is op 1 oktober 1949 deur Koningin Juliana oenthuld. 't Monument bestaot uut een herdenkingshof, ontweurpen deur Prof. Biehouwer en een zandstenen beeld van Mari Andriessen oek wel "'t vrouwtjen van Putten" eneumd. 't Verbeeldt een vrouw in klejerdracht mit een zakdoek in der haand. Ze kiekt in de richting van de Ouwe Kaark, van waoruut de mannen of-evoerd worde.

Uutgaonde verwiezing[bewark | bronkode bewarken]