Prinsekamp
De Prinsekamp (Nederlands: Prinsenkamp) is n buurtschap in de gemeente Niekark, in de Nederlandse provinsie Gelderland. t Leit net iets ten noorden van Voorthuzen, en is n gebied waor veural de landbouw ruum vertegenwoordigd is. Ok he'j der veehouweriejen, loonbedrieven en mesthandels. De Prinsekamp staot regionaol bekend um t aktiviteitesentrum "Edda Huzid". Veerder he'j der n antal bungalowparken en kämpings zitten.
De heufdweg van de Prinsekamp is de Prinseweg. n Lange weg die veural rechtdeur loopt langerst t gebied heen. De Prinseweg zou bekans de Rutenbeekweg eheten hen, verneumd naor Willem Rutenbeek, de veurzitter van de boerenvergaodering die roend de jaoren vuuftig en zestig van de twientigste eeuw in "Edda Huzid" ehouwen wier. Rutenbeek vun dit niet zo neudig en der wier besleuten um de vroggere naam veur de weg te behouwen.
De Prinsekamp was in de Tweede Wereldoorlog n gebied waor Duutsers (die tegen de oorlog waren), verzetsstriejers, Kanadezen en Amerikanen oender-edeuken zatten. Der bin in die tied ok n stel boerderiejen zwaor ebombardeerd. Nao de oorlog bin ze miteen begonnen an de wederopbouw van de boerderiejen die etröffen waren.
|
Dit artikel is eskreaven in et westveluwsk. |