Pas-Opweg

Uut Wikipedia, de vrye encyklopedy
(döärstüürd vanaf "Pas-opweg")

De Pas-Opweg is een ouwe bosweg op de Veluwe, die loopt van Niej-Soerel (bie Nunspeet) naor 't Verscholen Darp bie Vierhouten en eindigt bie de Gortelseweg in de gemeente Epe.

An de kruzing van disse weg mit de Tongerenseweg staot de boswachterswoening "Pas-Op" (huusnummer 200). De naam "Pas-Op" zou herinneren an 't feit dat hier vrogger veul struukrovers waren, die niksvermoedende reizigers overvullen en bereufden van al der bezittingen.

Niet var van huus Pas-Op liggen verschillende ouwe handelsroutes. Zo ligt der de Ouwe Zwolseweg, een ouwe Hessenweg, die leup van Amesfoort over Leuvenum en via Vierhouten naor Hattem en zo veerder richting Duutslaand. Ok ligt der een ouwe Hanzeweg kortbie, die de Hanzestejen Deventer en Harderwiek mit mekaar verbund.

Veural 's zoemers, kommen der veul toeristen over de Pas-Opweg, vanwegen 't Verscholen Darp, een onderdukerskamp uut de tweede wereldoorlog. Veerder is der een wildkiekscharm.

De Pas-Opweg is ok de meest berejen fietsroute van Nunspeet naor Apeldoorne.

Disse pagina is eschreven in 't Vierhoutens