Papua Nyguinea

Uut Wikipedia, de vrye encyklopedy
Nå navigaty springen Nå söken springen
Independent State of Papua New Guinea
Independen Stet bilong Papua Niugini (Tok Pisin)
Independen Stet bilong Papua Niu Gini (Hiri Motu)
Vlagge van Papua Nyguinea
Woapn van Papua Nyguinea
Kaarte van Papua Nyguinea
Kaarte van Papua Nyguinea
Informasie
Sproaken engelsk, Hiri Motu, PNG Sign Language, Tok Pisin
Heufdstad Port Moresby
Regeringsvörm Unitäre Parlementäre Grundwettelike Monarchy

religie= 95,5% Kristendom

  • 64,3% protestant
  • 26,0% katolik
  • 5,2% anders kristelik
  • 3,1% neet upegeaven

1,4% ander / gin

Laand en inwonners
Oppervlakte
- Water
462,840 km²
2%
Inwonners
- Dichtheid
8.935.000
15 inw./km²
Koordinaten 9° 29′ S, 147° 9′ O

Koördinaoten: 9° S, 147° O

Oaverig
Volksleed "O Arise, All You Sons"
Munteenheid Kina (PGK)
Tiedzone UTC+10, +11 (AEST)
Web | Kode | Tel. .pg | PG | +675

Papua Nyguinea, officieel den Unafhangeliken Ståt Papua Nyguinea en vake ofekortt töt PNG, (Tok Pisin: Independen Stet bilong Papua Niugini; Hiri Motu: Independen Stet bilong Papua Niu Gini), is en land in Oceanie. Et beslüt et oustelike deyl van et eiland Nyguinea en byhöyrige eilanden in Melanesie. De höyvdstad is Port Moresby. Met ne uppervlakde van 462.840 km2 is et de up twey nå gröätste eilandståt van de wearld.

Vanaf 1884 wör Papua Nyguinea döär dree koloniale groutmachten beheyrd. Seyd den Eyrsten Wearldoorlog stünd et 60 jår under australisk bestüür. In 1975 wör Papua Nyguinea unafhangelik; vanaf dee tyd was et en unafhangelik lid van et britske Gemeynebest, med Elizabeth II as ståthöyvd.

Papua Nyguinea is eyne van de meyst kultuurverskeidene landen up de wearld. Seyd 2019 is et ouk de meyst landelike, ümdat mär 13,25% van de lüde in verstädelikte gebeden wont. Et land hevt oorsprungelik 851 språken, wårvan as der 11 nu uutestörven sint. Et gröätste deyl van de meyr as 8 miljoon lüde woanet in traditionäle gemeynskappen, dee al lyk sou verskillend sint as de språken. Et land is weatenskappelik eyne van de minst verkende kulturele en geografiske gebeden up de wearld. Undersökers meynet dat der noch verskeidene neet-untdekkede volker woanet en dat der noch vöäle ården planten en deers te beskryven vallet.

Den ståt steyt by et Internationaal Monetäär Funds te book as en untwikkelingsland. Souwat 40% leavt selvunderholdend van de natuur, sunder togang töt kapitaal of geld. De meyste lüde woanet der in starke traditionäle burenverbanden, hanget natuurgodsdeenste an en gåt neet wyder as de laegere skole. De verskillende volker en samenleavingswysen ståt under beskarming van de grundwet van Papua Nyguinea. Dårin steyt dat de "traditionäle dörpe en gemeynskappen en weasenlik underdeyl blyvet van de Papua Nyguineaske samenleaving." Ouk beskarmt en understreypet et et belang van disse verbanden vöär plaatselike en nationale gemeynskappen. Et land kikt seyd 1976 med in et Süüdoustasiatiske Landenverbund (ASEAN) en hevt ne anvråge loupen vöär vulleydig lidmåtskap. Et is lid van de Pacifiske Gemeynskap, et Pacifiske Eilandenforum en et Gemeynebest.