Bron bekyken van Onna (Oaveriessel)

{{Zie dv|Aandere betekenissen van '''Onna''' viej' op [[Onna (deurverwiespagina)]]}}

'''Onna''' is een dörpien in de [[Overiessel]]se gemiente [[Stienwiekerlaand]]. Et lig net ten zuudoosten van de stad [[Stienwiek]] en is d'r-mit verbunnen deur onder meer de Onnaweg. In 2008 woonden d'r 120 mèensen.

== Veurzienings ==
Onna hef een eigen kapel, Eben-Haëzer, in gebruuk bi'j de [[Protestante Karke in Nederlaand|PKN]] veur de zundese erediensten. Ok hef Onna een dörpshuus en een fanfare. Töt begun jaoren tachtig van de [[20e eeuw|twintigste ieuw]] haj d'r een openbaore legere schoele.

== Geschiedenis ==
Onna bestund al in 1313, toen et as Unne enuumd wodden in een dokement over een geschil tussen de [[Sticht Utrecht|bisschop van Utrecht]] en de [[Stellingwarven]]. In 1441 viej' de naeme terogge as Unninghe. Vuuf jaor laeter wodt de schriefwieze Vnna gebruukt.

Veur de naeme bin verschillende betekenissen op-ewurpen: et zol 'weide' kunnen betekenen, of 'gien waeter' (on-a), wat slaon zol op de heugte en dreugte van de plaetse. Een aandere verklaoring is dat et 'golvend laandschop' zol betekenen, van et [[Latien]]se ''unda''.

{{Stienwiekerlaand}}
{{Dia|Dit stok is eschreven in et [[Stellingwarfs]] van [[Stienwiekerlaand]].}}

[[Kategorie:Stellingwarfs artikel]]
[[Kategorie:Plaatse in Oaveriessel]]
[[Kategorie:Stienwiekerlaand]]