Berkoop

Berkoop

Gegevens
Laand	Nederlaand
Perveensie	Fryslân
Gemiente	Ooststellingwarf
Ienwooners	1.795 (2012)
Koördinaoten	52° 56′ NB, 6° 8′ OL
Postkode	8421
Netnummer	0516

Berkoop (Nederlaans: Oldeberkoop, Fries: Aldeberkeap) is een dörp in de gemiente Ooststellingwarf. Et dörp hadde zo'n 1.800 ienwoners in 2012. De bi'jnaeme veur een ienwoner van Berkoop is tobbeschieter of tonneschieter.

Ligging

Et Ooststellingwarfse dörp leit in et zuden van Frieslaand, omdebi'j twaelf kilemeter noordoostelik van Wolvege. Et dörp leit vlakbi'j et kruuspunt van de N351 mit de N353. De ofstaand naor de Kuunder (Kuunderkanaol) in et noorden en de Lende in et zuden is in beide gevallen ongeveer aanderhalve kilometer. De Prinsewiek verbient et noorden van Berkoop mit et Kuunderkanaol.

Geschiedenis

Berkoop is et ooldste plak in Zuudoost-Frieslaand. De Bonifatiuskarke wodde in de 12e ieuw bouwd en wodde laoter verschillende keren uutbouwd. De eerste schriftelike verwiezing d'r-naor komt uut 1228. Friese strieders kwammen toen bi'j 'Brokope' bi'j mekeer om Drenthe binnen te valen. In 1593 wodde bi'j de Lende de Bekhofschaans bouwd as onderdiel van de Friese waeterlinie. Tussen 1812 en 1855 was Berkoop et hoofdplak van de gemiente Ooststellingwarf. In 1979 wodde een kenon vunnen van de oolde Bekhofschaans, en wodde in 1981 in et dörp daelezet.

Kultuur en toerisme

Et instituut veur de Stellingwarfse tael, de Stellingwarver Schrieversronte, is vestigd in Berkoop. "Open Stal" is een jaorlikse keunstmanifestaosie op verschillende lekaosies in et dörp. Disse keunst- en kiekroute wodt al sinds 1971 holden. An de noordkaante leit een kleine jachthaven. De Prinsewiek verbient disse jachthaven mit de Kuunder.

Gebouwen

De Bonifatiuskarke is et historische middelpunt van Berkoop. Een veurloper van disse karke is waorschienlik al om 1125 henne bouwd. Om et olde karkhof henne staot een ringmuur. De ringmuur hadde in de 17e ieuw verschillende toegaangspoorties. De ringmuur is restaureerd in 2011/2012 en iene van de toegaangspoorties is opni'j opbouwd. Om de karke henne staon ok de meerste monumentaole gebouwen van Berkoop zoas villa Vredewold (naost de Bonifatiuskarke) en de pastorie (naost et gebouw van de Stellingwarver Schrieversronte).

Uutgaonde verwiezing

Commons: Berkoop - plaatjes, filmkes en/of gelüüdsbestanden.

Gemiente Ooststellingwarf

Steden, dörpen en gehuchten
Appelsche \| Berkoop \| Donkerbroek \| Else \| De Fochtel \| De Haule \| Haulerwiek \| Langedieke \| Makkinge \| Ni'jberkoop \| Oosterwoolde \| Raevenswoold \| Waskemeer
Buurtschoppen
Aekinge \| Bekhof \| Bentemaoden \| Boekhost \| Bovenveld \| Buterheideveld \| Buttinge \| De Knolle \| Deddigeburen \| Drie Tolhekken \| Elleboge \| Fraankriek \| Et Hogezaand \| Hogeduurswoold \| Iegypte \| Jaanssenstichting \| Jardinge \| Kannede (Else) \| Kannede (Appelsche) \| De Knolle \| De Koelanen \| Knienebuurt \| Kooldenburg \| Klaezinge \| Legeduurswoold \| De Monden \| Moskou \| Nanninge \| Ni'je Vaort \| Oolde Willem \| Petersburg \| Prandinge \| De Riete \| Rolpaol \| Schottelenburg \| Schrappinge \| Terwissche \| Tronde \| Twietel \| Veneboeren \| Venekoten \| De Weper \| Willemstad